Revelation 17:4 - Keley-i Bible (Antipolo Ifugao)

⁴ Nambalwasi etan biin madlang niya nan-usal ni dakel ni balituk niyadda nangkenginan batu niya pearl. Wada singnged tun balituk ni basuh e neiha-adan idan lawah ni tuka pehpehding niyadda lawah ni impahpahding idan tutu-un hineul tu.

Revelation 17:4 Referans Kwoze

Revelation 18:16

et kandalliy “Ahhaahhah humman ni bebley di Babilon! Wada lan emin diman hu nangkenginan balwasi, yadda balituk, yadda nangkenginan batu, niyadda pearl.

Jeremiah 51:7

Yadda Babilon ey kamei-ellig ni singnged kun balituk ni basuh ni neha-adan ni meinnum ni ininum idan kebebbebley eyad puyek et mabuteng ida et matelak hu nemnem da.

Revelation 19:2

Dayaw tayu hi Apu Dios, tep makulug niya meandeng hu tuka penuwet. Binahbah tu humman ni bebley tep yadda tuudman hu himmulun ni nangkabngangan idan katuutuud kebebbebley. Em, kinastigun Apu Dios ida bimmebley diman tep pinetepetey dadda bega-en tu.”

Revelation 18:12

Endilli law ni hekey umgatang ni daka iggatang idan balituk, yadda silber, yadda etan nangkenginan batu, yadda pearl, yadda luput ni nengina, yadda keyew, yadda gumek, yadda giniling, yadda marble,

Lamentations 1:9

Kamei-ellig e linugit tu annel tun impenahding tun lawah e eleg tu nemnemnemen hu kastigun heltapen tu. Nemahhig impahding ni buhul tu ey endi kaumbaddang ni hi-gatu. Inapput ni buhul tu et kamampehemmehemmek nan Apu Dios ma-lat baddangan tu.

Revelation 14:8

Neitu-nud ni immali etan neikadwan anghel ey kantuy “Nebahbah! Nebahbah law hu Babilon e nandingngel ni bebley! Yadda tuudman ey lawah idan peteg niya dinini dadda tuud kebebbebley di puyek ni mengippahding ni lawah, ma-lat eleg da daydayawa hi Apu Dios.”

Daniel 11:38

Yalli daydayawen tu ey ya etan dios ni kamengippaptek idan nehammad ni luhud da. Et i-appitan tullin balituk, ya silber niyadda etan nangkebalol ni gamgam humman ni dios ni eleg ni hekey daydayawen idan aammed tu.

Ezekiel 24:13

Hi-gayun iJerusalem, eleg kayu meibbillang ni malinih tep yadda anhimugal ni yuka ippenahding. Impatnak et anhan ni manlinnih ni hi-gayu, nem eleg yu pinhed. Et humman hu, mannenneng kayun henin nuntan ingganah ke-kalan ni nemahhig ni bunget ku tep ya pengastiguk ni hi-gayu.

Ezekiel 24:11

Iba-banget yu humman ni bangan giniling etan di kamantettebbel ni apuy ingganah mekaldang ma-lat magiheb etan pimmeket ni lugit tu.

1 Kings 14:24

Wadadda pay hu laki niya biin kamansilbid daka pandeyyawin beken ni makulug ni dios e daka pebeyyad annel da. Kaippenahding ni tuud Judah hu anggeba-ing ni peteg ni kapehpehding idela etan ni dinegyun Apu Dios ni nambebley ni sigud diman e humman ida iKanaan.

Hosea 9:10

Kan Apu Dios idan iIsrael ey “Yan eman ni laputun nanghelak idan aammed yu e hi-gada pinilik ni pantu-uk ey henin kapenemmakin simmemel ni grapes di desert niya henin kapenennang-angin nemangulun neluum ni lameh ni fig. Nem yan eman ni linawwan dad duntug e Peor ey hi Baal kumedek dinaydayaw da. Et lektattuy ida kamengippebungnget e henidda etan idan pinpinhed dan dios.

Ezra 9:11

bega-en mun prophet e kammuy ‘Ya eya bebley ni ellian yun pambebleyan ey beken ni malinih di hinanggak, tep hedin yadda eya tutu-un nampambebley deya ey pinnu da eya bebley dan lawah ni peteg ni daka pehpehding.

Ezekiel 20:30

Et humman hu, ehel muddan helag Israel e kammuy “Heninnuy hu inhel nan Apu Dios e Eta-gey ni peteg e kantuy: Kaw enu-unnuden yu dama hu lawah ni impenahding ida lan aammed yu et denaydayawen yudda etan dios ni kinapyan tuu? Kaw pinpinhed yun pambalin yu annel yun anggebe-hel ku e heni lan hi-gada?

2 Kings 21:2

Nanliwat nan Apu Dios hi Manasseh tep impahding tudda lawah ni henin impenahding idelan nampambebley diman ni dinegyun Apu Dios eman ni kapengelliiddan aammed tun helag Israel ni nalpuan dad Egypt.

Ezekiel 36:25

Et heni dakeyu wakgihan ni malinih ni danum et maulahan hu heni lugit yun nengidaydayawan yuddan dios ni kinapyan tuu niya emin hu hipan lugit yu.

Deuteronomy 29:17

Ey inamtak et hannemnem yudda inenang-ang yun lallawah ni dios dan nekapyad keyew, batu, silber ey balituk.

Isaiah 66:3

Nem hedin yadda tutu-un kamangngenghay ni hi-gak, ey ya pinpinhed da hu daka pehpehding e ida kaman-appit ni bakan hi-gak, nem daka petteya tuu, ida kaman-appit ni pakeetteng tun kalneroh, nem daka hehpunga buklew ni ahhun i-appit dan beken ni makulug ni dios, ida kaman-appit ni begah ni hi-gak, nem daka i-appit hu kuheyaw ni killum di edum ni dios, ey ida kaman-appit ni kagihheban bangbanglun hi-gak, nem daka deyyawa beken ni makulug ni dios. Inggeb-at dan nengiwalleng ni hi-gak niya daka pan-amlengin mengippahding ni lawah.

Ezekiel 28:13

Nambebley kad Eden e leguntan Apu Dios. Wadan emin ni hi-gam ida gamgam ni balituk et yadda nenginan batu henin rubies, ya diamond, ya topaz, ya beryl, ya carnelian, ya jasper, ya sapphire, ya emerald et ya garnet e neidaddan dedangngun neiungngaam.

Revelation 9:21

Eleg ida mantuttuyyun pinetepeteyan da, yadda nengipahdingan dan ayak da, ya nengiuligan dan beken da ahwa niya nenaketakewan da.

Revelation 21:21

Ya etan hampulut dewwan eheb ey hampulut dewwan pearl hu neikapya. Hanhakkey ni pearl hu neikapyad hakey ni eheb. Ya etan et-eteng ni keltad diman ey balituk ni nemahmah hu neikapya e heni diggal.