Revelation 17:3 - Keley-i Bible (Antipolo Ifugao)

³ Pinhakkey mewan ey newada hu Ispirituh Apu Dios ni hi-gak et ilaw tuwak di desert. Ey wada inang-ang kun hakey ni biin nantakkay di madlang ni heni animal ni anggetakkut hu ang-ang tu. Pitu ulu tu niya hampulu ha-duk tu niya nangketudkan ida annel tun lawah ni ehel ni keang-angan tun tuka la-pahi hi Apu Dios.

Revelation 17:3 Referans Kwoze

Revelation 12:3

Entanni ey inang-ang kud kabunyan hu hakey mewan ni kamengippetnga. Ya ang-ang tu ey heni et-eteng ni dragon. Madlang niya wada pitun ulu tun napngetan ni balituk, ey hampulu ha-duk tu.

Revelation 17:18

Ya etan biin inang-ang mu ey humman neidingpatan etan ni nandingngel ni bebley ni ap-apun emin idan aap-apud kebebbebley.”

Revelation 12:6

Hedin ya etan bii, man bimmesik di endi nambebley e humman hu indaddan Apu Dios ni tu panha-adan ni keippaptekan tun hanlibut dewwan gatut et na-nem ni aggew.

Revelation 17:4

Nambalwasi etan biin madlang niya nan-usal ni dakel ni balituk niyadda nangkenginan batu niya pearl. Wada singnged tun balituk ni basuh e neiha-adan idan lawah ni tuka pehpehding niyadda lawah ni impahpahding idan tutu-un hineul tu.

Revelation 12:14

Nem neidwatan etan biin payak ni et-eteng ni tulduh ma-lat wada inna-nu tun umtayab di puyek ni endi nambebley et meipaptek diman ni tellun toon et kagedwah et endi inna-nu etan ni dragon ni menemmak ni hi-gatu.

Daniel 7:25

Lawah ali hu e-e-helen tun meippanggep nan Apu Dios e Keta-ta-geyyan ey panliligat tuddalli hu tuun kamengullug nan Apu Dios. Ippatna tullin hullulan ida tugun ni daka u-unnuda, anin idan piyestah da. Humman ni meikka-pat ni man-ap-apu hu pan-ap-apu dan tellu et kagedwah ni toon.

Daniel 7:20

Ey pinuhdanan ku hu meippanggep etan ni hampulun ha-duk tu et ya etan ek-eket ni ha-duk tun anggetakkut hu ang-ang tun nemataan niya nebungutan, et kamampahhiyyan man-e-ehhel. Humman ni ek-eket ni ha-duk hu nenek-il ida etan ni tellu et mapugah ida.

Daniel 7:8

Nakka itettekel etan ida ha-duk tu ey inang-ang kun neukat ali hu ekkeket ni ha-duk et hek-ilen tudda etan tellu. Humman ni ekkeket ni ha-duk ey nemataan ni heni matan tuu niya wada bungut tun kamampahhiyyan kaman-e-ehhel.

Revelation 21:10

Pinhakkey mewan ey inlaw da-ak etan ni anghel di tuktuk ni eta-gey ni duntug et itudu tun hi-gak hu Jerusalem e bebley tun kamangkelpullid kabunyan.

Ezekiel 8:3

Entanni ey wada hu heni ngamay ang-ang tun in-adang tulli et itnged tud bewek ku et ita-gey tuwak nan Ispirituh Apu Dios et heni da-ak intayab lad Jerusalem. Inlaw da-ak kumangngud heggeppan ni Tempol di appit ni north di dallin di ahpat ey immen hu neiha-ad ni kinapyan tuun dios e humman hu anggebe-hel ni peteg nan Apu Dios.

Ezekiel 11:24

Entanni ey heni i-innep la mewan hu tuwak nanli-bitan nan Ispirituh Apu Dios et ibangngad tuwak di Babilon di kad-an idan edum kun nedegyun di bebley mi. Et yan nunman nepappegan ni impeamtan Apu Dios ni hi-gak di Jerusalem.

2 Thessalonians 2:4

Humman alin tuu ey ngenghayen tun emin hu meippanggep nan Apu Dios niyadda etan dios ni kadaydayawan edum ni tuu. Ey kantulliy endi edum ni kamedeyyaw nem hi-gatun ebuh. Et an umyudung etan di yuddungngan di Tempol Apu Dios et kantuy hi-gatu hi Apu Dios.

Ezekiel 3:12

Entanni ey lini-bit tuwak nan Ispirituh Apu Dios ey wada dingngel kun naka-let ni ehel di dingkuggan kun kantuy “Daydayaw tayu hi Apu Dios di kabunyan!”

Song of Songs 8:5

Immehel ida bibi-i ey kanday “Hipa eman biin iyyallin nalpud eleg mebebleyi e tuka itettenged di ngamay ni lakin nakappinhed tu?” Kan etan ni bii etan ni laki ey “Nebangun ka eman ni dinepa dakad henged ni keyew ni apol e nengiungngaan inam ni hi-gam.

Revelation 1:10

Yan eman ni hakey ni Linggu, ey wada impeang-ang ni Ispirituh Apu Dios ni hi-gak. Entanni ey wada dingngel kun na-let ni ehel di dingkuggan ku e heni tenul ni tangguyup.

Daniel 11:36

Humman ni patul di Syria ey mampahhiyyalli, tep ibbilang tulli annel tun eta-ta-gey nem yadda etan nambakbaklang ni dios, anin ni hi Apu Dios, e Keta-ta-geyyan di emin. Emin ali etan pinhed tu ey ippahding tu ingganah mepappeg hu bunget nan Apu Dios idan tutu-u tu, tep huyya dedan implanuh nan Apu Dios ni meippahding.

2 Kings 2:16

Kanday “Wada neliman nangka-let ni bega-en mu. Hedin pinhed mu da hinnapen hu eleg mebebleyi et da hamaken hu mittuduh mu tep nungay inlaw ni Ispirituh Apu Dios di duntug winu nedeklan et iha-ad tudman.” Kan Elisha ey “Eleg, entan tu an hamak.”

1 Kings 18:12

Inna-nu hedin nakka menglaw ni an menghel ni hi-gatu e wada ka ey immali mewan kumedek hu Ispirituh Apu Dios et ibsik daka lad edum ni bebley. Kaw eleg tuwak petteyan hi-gatu hedin um-ali ey endi ka? Ey hedin ngun hi-gak e bega-en mu man dinaydayaw ku hi Apu Dios neipalpu eman ni kaglang ku.

Revelation 4:2

Nekekemtang ey impeang-ang ni Ispirituh Apu Dios ni hi-gak hu yuddungngan ni ap-apud kabunyan e wada yimmudung.

Acts 8:39

Negibbuh et dumekal ida ey pinhakkeyey attukaw la hi Philip, tep inlaw lan Ispirituh Apu Dios. Eleg law ang-angen etan ni iEthiopia hi Philip, nem kaman-am-amleng ni limmaw lad lawwan tu.

Matthew 27:28

Ingkal da balwasi tu et pebalwasi dan hi-gatu etan madlang ni kaibbalwasin patul.

Revelation 18:12

Endilli law ni hekey umgatang ni daka iggatang idan balituk, yadda silber, yadda etan nangkenginan batu, yadda pearl, yadda luput ni nengina, yadda keyew, yadda gumek, yadda giniling, yadda marble,

Revelation 18:16

et kandalliy “Ahhaahhah humman ni bebley di Babilon! Wada lan emin diman hu nangkenginan balwasi, yadda balituk, yadda nangkenginan batu, niyadda pearl.