Revelation 17:11 - Keley-i Bible (Antipolo Ifugao)

¹¹ Ya etan heni animal ni wadan nunman, nem endi law nunya ey hi-gatulli meikkewwalun man-ap-apu. Nan-ap-apu lan nunman, tep hi-gatu hu hakey ida etan ni pitun ap-apu, nem anin hi-gatu et umlaw di kalawwin kamekastigu.

Revelation 17:11 Referans Kwoze

Revelation 17:8

Humman ni heni animal ni inang-ang mun mategun nunman ey netey law nunya, nem eleg mebeyyag ey meukkat ali law etan di neku-kuan ni endi pappeg tu hu kadinallem tu et lumaw di kekastiguan tun ingganah. Et metngaddallin peteg hu tutu-ud puyek ni penang-angan da mewan ni nunman e anggetakkut ni animal. Humman ida etan eleg maitudek ngadan da etan di libluh ni neitudekan ni wada biyag dan endi pappeg tu e neitudek dedangngu et han maweda emin eya wadan nunya.

Revelation 13:3

Ya hakey ni ulu etan ni heni animal ni anggetakkut ey nemahhig liput tu, nem entanni ey napwahan. Et emin ida tuud puyek ey hi-gatu daka u-unnuda, tep natngaddan nunman ni neipahding.

Revelation 13:10

Tep yadda etan tuun gahat dan medpap ni meikkullabut ey makulug ni meikkullabut ida. Yadda etan tuun gahat dan ya ispadah mengellan hi-gada ey makulug ni ya ispadah memettey ni hi-gada. Et humman hu, hi-gatsuddan tuun Apu Dios ey pannananeng tayu hu tayu kapengullug ma-lat han-ihikal tayulli ligat tayu.

Revelation 13:12

Henin kelebbengan etan ni nemangulun heni animal ni anggetakkut hu kelebbengan tu. Tuka pillita tuun menaydayaw etan ni heni animal ni anggetakkut ni wada napwahan ni neliputan di ulu tu.