Revelation 16:4 - Keley-i Bible (Antipolo Ifugao)

⁴ Induyag etan ni neikatlun anghel hu duyu tud wangwang niyaddad kautbulin danum ey nambalin ni kuheyaw hu danum.

Revelation 16:4 Referans Kwoze

Revelation 16:5

Dingngel ku ehel etan ni anghel ni kamampaptek ni danum e kantuy “Apu Dios, neiptek niya limpiyuh huyyan pengastigum. Hi-gam ni ebuh hu kayyaggud ni peteg. Hi-gam hu endi laputu ey endi pappeg tu.

Revelation 14:7

Inlet tu ehel tu et kantuy “Kulug yu hi Apu Dios. Daydayaw yu tep nedatngan law hu panhuwetan tun tuud puyek. Em, daydayaw yu hi Apu Dios e nanletun emin eyan puyek, ya kabunyan, ya baybay niyaddan emin kautbulin danum.”

Hosea 13:15

Anin ni ya helag Epraim hu kekekkeddangyanan ni hi-gadan han-aaggi et peellik ali hu maetung ni dibdib ni melpud kasimmilin aggew et matduk hu yuka pan-ehhuli. Niya emin idalli nebalol ni ngunut yu ey meendin hi-gayu.

Isaiah 50:2

Kele yan eman ni inlian kun mengihwang ni hi-gayu ey eleg yu hanguden e tutu-uk ni himmumang? Kele eleg kayu humumang eman ni inhelak? Kaw endi kabaelan kun mengihwang ni hi-gayu? Hi-gak ey kabaelan kun mandalen hu baybay ma-lat mema-ganan. Ey nakka pambalin hu wangwang ni mamega et mangkatey ida deleg diman et humemuy ida.

Exodus 8:5

Ey ehel mun Aaron et idengdeng tu hulkud tuddad emin di wangwang, yad kulukul niyaddad lebeng di Egypt ma-lat maukat hu dakel ni tukak et umapnal idan emin di puyek di Egypt.”

Ezekiel 35:8

Pepnuen kun annel ni nangketey hu kedunduntug, yadda nangkedeklan, yadda kulukul niyadda nangkehayyukung di bebley yu.

Psalms 78:44

Impambalin tun kuheyaw ida danum di wangwang niyad kulukul di Egypt, et endi hu innumen idan tutu-udman.

Revelation 11:6

Eleg ali um-udan ni da pengi-i-helan etan ni impeamtan Apu Dios ni hi-gada, tep wada kabaelan dan mengippesikked ni udan niya kabaelan da daman pambalin ni kuheyaw hu danum. Ey dammutun peelli da hu hipan ligat di puyek hedin pinhed da.