Revelation 16:2 - Keley-i Bible (Antipolo Ifugao)

² Et lumaw etan nemangulun anghel et tu iduyag hu duyu tud puyek ey nangkebebla annel idan emin etan ni nemalkaan tuktuk dan ngadan etan ni heni animal ni anggetakkut niyadda etan kamenaydayaw ni u-ukkul tun kinapya da.

Revelation 16:2 Referans Kwoze

Revelation 8:7

Impatnul etan ni nemangulun anghel hu tangguyup tu ey nangka-gah di puyek hu dallallu niya apuy e na-duman ni kuheyaw. Ey ya ingkatlun puyek ey negiheb et makigiheb hu ingkatlun emin ni keyew niya helek.

Revelation 16:11

Daka pan-iidusi hi Apu Dios di kabunyan tep ya makaggeh niya nangkebeblad annel da. Nem eleg da pinhed ni issiked hu lawah ni daka pehpehding.

Deuteronomy 28:27

Peelli pay Apu Dios hu pelhan hi-gayu henin impahding tuddan tutu-ud Egypt, et man-aayuh hu nenad annel yu. Niya nemahhig ali gatel ni annel yu, nem endi agah tu.

Acts 12:23

Ey pinhakkeyey impandegeh ni anghel Apu Dios hi Herod tep inebulut tu humman ni nenaydayaw idan tuun hi-gatu e eleg tu dayawen hi Apu Dios. Ya degeh tu ey nebigihan hu annel tu et matey.

Isaiah 3:17

Nem kastiguek idalli e weddaek bungul di ulu da et memukmukan ida.”

2 Chronicles 21:18

Negibbuh ni neipahding huyya et pandegeh nan Apu Dios ni degeh ni egeh ni eleg meeggahi.

2 Chronicles 21:15

Ya kastigum ey iddawtan dakan degeh ni egeh ni nemahhig degeh tu et meukkat utduk ni egeh mu.’”

1 Samuel 5:9

Yan nunman ni neiha-adan tud Gath ey kinastigu mewan Apu Dios ida nambebley diman et nemahhig takut da. Wineda tu hu nangkemukkel ni laman di annel dan emin, anin idan u-ungnga, nea-amma niya nei-inna.

1 Samuel 5:6

Nemahhig nengastigun Apu Dios idan tuud Asdod et yadda etan tuud nanlinikweh ni bebley da e wineda tu nangkemukkel ni laman di annel da.

Deuteronomy 7:15

Ippaptek dakeyun Apu Dios ey endi anggetakkut ni degeh ni tu peellin hi-gayu heniddan inang-ang yud Egypt, nem yadda buhul yun anggebe-hel dakeyu hu pengippellawwan tuddan nunman ni degeh.

Isaiah 3:24

Et ya la etan mebanglun hamuy da ey mambalin alin kaman-ebtut. Ya etan kayyaggud ni ballikid da ey mambalin alin linubid. Ey endilli law etan andukkey ni kayyaggud ang-ang tun bewek da tep memukmukan ida. Ya kayyaggud ni daka ibbalwasi ey mehullulan alin layyut. Meendilli law kaminaddikit da tep mebabba-ingan ida!

Psalms 78:26

Entanni mewan ey impaeli tu hu na-let ni dibdib ni nalpud appit ni kasimmilin aggew niyad south tep ya et-eteng ni kabaelan tu.

Revelation 14:16

Et lumaw etan yimmudung di kulput et tu anien hu nedateng ni meennid puyek.

Deuteronomy 28:35

Peelli mewan Apu Dios hu pelhan emin di annel yu, e meippalpud heliyu ingganah di uluyu ey eleg man ahan meeggahi.

Revelation 13:12

Henin kelebbengan etan ni nemangulun heni animal ni anggetakkut hu kelebbengan tu. Tuka pillita tuun menaydayaw etan ni heni animal ni anggetakkut ni wada napwahan ni neliputan di ulu tu.

Revelation 14:9

Neitu-nud ali dama etan neikatlun anghel ey inlet tu ehel tu e kantuy “Emin ida etan kamenaydayaw etan ni heni animal ni anggetakkut niya etan u-ukkul tun kinapya da niya inebulut da malka tud tuktuk da winu ngamay da

Revelation 16:1

Entanni ey wada dingngel kun na-let ni ehel ni nalpu etan di Tempol e kantudda etan ni pitun anghel ey “Lakkayyuy et yu iduyag di puyek hu bunget Apu Dios ni neiha-ad etan idad pitun duyu.”