Revelation 16:11 - Keley-i Bible (Antipolo Ifugao)

¹¹ Daka pan-iidusi hi Apu Dios di kabunyan tep ya makaggeh niya nangkebeblad annel da. Nem eleg da pinhed ni issiked hu lawah ni daka pehpehding.

Revelation 16:11 Referans Kwoze

Revelation 16:9

Ida kamangkaetungi tutu-un petang et daka pan-iidusi hi Apu Dios e nengipealin nunman idan ligat. Eleg ida mantuttuyyun liwat da niya eleg da daydayawa hi Apu Dios.

Revelation 16:21

Ida kamangkede-hili tuun dallallun heni batun mangkebel-at ni nalpud kabunyan et kapan-iidusin tuu hi Apu Dios tep ya humman ni nemahhig ni ligat ni impaeli tu.

Revelation 16:2

Et lumaw etan nemangulun anghel et tu iduyag hu duyu tud puyek ey nangkebebla annel idan emin etan ni nemalkaan tuktuk dan ngadan etan ni heni animal ni anggetakkut niyadda etan kamenaydayaw ni u-ukkul tun kinapya da.

Revelation 11:13

Yallin nunman ni olas ey manyegyeg ni na-let et mebahbah hu pangil ni bebley et matey hu pitun libun tuu. Et umtatakut idalli edum ni tuu et daydayawen dalli law hi Apu Dios di kabunyan tep ya kabaelan tu.

Revelation 2:21

Nebayag hu nenehheggedak ni pengissikkedan tun nunman ni tuka pehpehding, nem eleg tu pinhed ni issiked.

2 Timothy 3:13

Yadda etan tutu-un kamantuttuddun hin-appil e daka he-ula edum dan tuu ey he-ulen daman Satanas ida et ihhi-met da kalinawah da.

Psalms 136:26

Emin itsu ey pansalamat itsun hi-gatu e Dios di kabunyan. Ya impeminhed tu ey kamannananeng ni ingganah.

Ezra 7:23

Mahapul ni peka-ang-angen yu et idwat yun emin hu inhel ni Dios di kabunyan ni mahapul ni meihha-ad di Tempol tu et endi umhulun ni tu bungngetan ni hi-gak et yadda meittu-nud ni hi-gak ni mampatul.

Ezra 6:10

et iappit dan Apu Dios di kabunyan et abuluten tu i-appit da, ey ma-lat idasalan da-ak ni hi-gadan panyaggudan middan u-ungngak.

Ezra 1:2

Huyya olden nan Cyrus e patul di Persia: “Hi Ap-Apu e Dios di kabunyan ey nambalin da-ak ni patul di emin ni bebley eyad puyek, et hi-gak hu pangidinelan tun memehwat ni Tempol tud Jerusalem di Judah.

Daniel 2:44

Nem yallin pan-ap-apuan idan nunman ey weddaen alin Apu Dios di kabunyan hu hakey ni pan-ap-apuan ni mannananeng e eleg mepappeg, tep endi hakey ni an mengapput ni hi-gatu. Tep hi-gatu anhallaw hu mengapput ni emin ni aap-apud puyek et ebuh tullin mannenneng.

Nehemiah 2:4

Kan patul ey “Et hipa dammutun ibbaddang ku?” Nandasallak nan Apu Dios di kabunyan et

Nehemiah 1:4

Dingngel ku impanumang dan imbagak ey yimmudungngak et numngihhak. Nemahhig lemyung ku et eleggak mangan ni pigan aggew ey nandasallak nan Apu Dios di kabunyan.

Ezra 7:21

Hi-gak e hi Artaserses ey i-olden ku e emin ida kamengnged ni pihhuh ni gubilnu winu treasurer di kebebbebley di appit ni kakelinnugin aggew di Wangwang e Euphrates ey iddawat da mahapul nan Ezra tep hi-gatu ey padi niya kamantuttuddun Tugun nan Dios di kabunyan.

Ezra 7:12

“Huyya tudek kun hi-gam e Ezra e padi ey kamantuttuddun Tugun ni Dios di kabunyan.

2 Chronicles 36:23

Heninnuy hu in-olden nan Cyrus e patul ni Persia: “Ya Ap-Apu e Dios di kabunyan ey indawat tun hi-gak emin hu pan-ap-apuan eyad puyek niya hi-gak hu nanghelan tun memehwat ni Tempol tud Jerusalem di Judah. Ey emin kayun tutu-un Apu Dios ey mambangngad kayud Israel et yu ingunu humman. Hi Apu Dios hu memaddang ni hi-gayu.”

Jonah 1:9

Himmumang hi Jonah et kantuy “Hi-gak ey Hebrew hak. Nakka deyyawa hi Apu Dios di kabunyan ni nanletun puyek niya baybay.”

2 Chronicles 28:22

Ey kapan-imma-man Ahas ni mangngenghay nan Apu Dios hedin wada ligat ni immalin hi-gatu.