Revelation 16:10 - Keley-i Bible (Antipolo Ifugao)

¹⁰ Induyag etan ni neikeliman anghel hu duyu tud kad-an ni kayuddungi etan ni heni animal ni anggetakkut ey nan-enget emin di nan-ap-apuan tu. Ey kapangkalatan tutu-udman hu dila da tep nemahhig daka panlelehhani.

Revelation 16:10 Referans Kwoze

Revelation 9:2

Inalladdu tu et tukwaban tu ey neukat ali hu nemahhig ni ahuk e heni nalpud et-eteng ni apuy ey nan-enget tep hinenian ni ahuk hu petang.

Matthew 8:12

Nem dakel idalli Jews, e hi-gada-et umlaw di kabunyan, nem pellaw idallin Apu Dios di engeenget et umnanginangih idalli niya ngellingellidihen dalli hu ngipen da tep nemahhig ligat diman.”

Revelation 18:23

Endilli law an meang-ang mewan ni dilag diman niya endilli law an medngel ni mengahwadman. Humman kastigu da, tep yadda etan kamanggettang ni nalpudman e bebley ey ida kametbal, nem hineuheul dadda tuud kebebbebley.

Revelation 17:17

Ippahding dalli huyya tep impandadagyum Apu Dios nemnem dan mengippahding ni pinhed tu et emin ida ey iddawat da kelebbengan da niya kabaelan da etan heni animal et hi-gatu man-ap-apu ingganah um-amnun emin hu inhel Apu Dios.

Matthew 22:13

Et kan etan ni patul ey ‘Bedbed yu ngamay tu et ya heli tu et bekahen yud dallin di engeenget. Anin manha-ad diman et numenginengih ey anin ngellingellidihen tu ngipen tudman.’”

Revelation 18:21

Entanni mewan ey wada hu makewiging ni anghel ni immalan etteteng ni batu et itengba tud baybay, ey kantuy “Henin nunyalli hu kebahbahan ni bebley di Babilon et endilli law tu keang-angan.

Luke 13:28

Umnanginangih kayulli niya ngellingellidihen yulli ngipen yun penang-angan yu e wadaddad kad-an Apu Dios ida aammed tayu la e hi Abraham, hi Isaac, hi Jacob et yadda emin hu prophets Apu Dios. Ey hedin hi-gayu, man eleg dakeyu pehgep.

Matthew 24:51

et kastiguen tu et palaw tun an mei-dum ida etan ni mangkaitek e ida kaumnanginangih niya daka ngellingellidiha ngipen dan degeh ni kastigu da.”

Psalms 78:49

Eleg tu isipel hu nemahhig ni bunget tu, et panligligat tuddan peteg e eleg tu kawwanan hu biyag da, et paeli tu pistin tuu et matey ida. Ey impaeli tudda anghel ni memettey ni hi-gada.

Revelation 17:9

Ya keibbellinan tu huyya ey dammutun amtaen ni nenemneman. Ya etan pitun ulun nunman ni animal ey humman ida etan pitun duntug ni bebley ni kapan-ap-apui etan ni bii.

Matthew 13:50

Pellaw dadda lawah di kamantettebbel ni apuy. Umnanginangih idallidman ey ngellingellidihen da ngipen da.”

Matthew 13:42

et palaw daddallid kamantettebbel ni apuy. Umnanginangih idalli ey ngellingellidihen dalli ngipen da.

Revelation 18:2

Simmekuk ni na-let ey kantuy “Nebahbah! Nebahbah hu bebley di Babilon. Nambalyan law ni dimonyoh niyaddan emin hu nambakbaklang ni lawah ni ispirituh. Emin ida etan sisit ni kamengngan ni beken ni malinih ey wadadman.

Revelation 11:10

Emin idalli tuud puyek ey man-am-amleng idan neteyyan idan nunman ni dewwan tuu. Mampiyestah idalli niya man-indadawat idallin hipan wadan hi-gada. Mampanggagayaddallin emin hu tuu tep netey ida humman ni dewwan nengi-lin nemahhig ni ligat di puyek.

Revelation 11:8

Et meippullay ali annel dad gawan keltad etan di nandingngel ni bebley ni neipetakan lan Apu dad krus. Humman ni bebley ey kameingngadnin Sodom niya Egypt.

Revelation 11:2

Entan tu tepeng etan dallin ni Tempol, tep humman hu neidwat idan tutu-un eleg mengullug nan Apu Dios. Humman idallin tuu ey iggasigasin dalli hu Jerusalem ni na-pat et dewwan bulan e endi lispituh dan nunman ni bebley ni pinilin Apu Dios, tep ippahding dallidman hu hipan lawah ni pinpinhed da.

1 Peter 2:17

Lispituh tayun emin tuu niya peang-ang tayu hu neminhed tayuddan edum tayun kamengullug. Takut itsun mengippahding ni eleg pinhed Apu Dios niya lispituh tayu hu ap-apun bebley tayu.

Revelation 8:12

Impatnul etan ni neika-pat ni anghel hu tangguyup tu ey neendi hu ingkatlun benang ni aggew, ya bulan niyadda bittuwen. Et engeenget ni ingkatlun aggew niya labbi.