Revelation 14:1 - Keley-i Bible (Antipolo Ifugao)

¹ Entanni ey inang-ang ku etan Impah ni Kalneroh ni kaman-eh-ehneng di Duntug e Zion niyadda etan hanggatut et na-pat et epat ni libun nangkemalkaan hu tuktuk dan ngadan tu niya ngadan nan Ametu.

Revelation 14:1 Referans Kwoze

Joel 2:32

Et emin ali hu mambeggan baddang ni hi-gak ni nunman ni aggew ey mehellakniban. Wadaddalli hu meihwang ni iZion di Jerusalem e humman ida pinilik, tep humman dedan la inhel kun nunman.”

Revelation 3:12

Ya tuun eleg tu peapput hu nemnem tud lawah ey hi-gatulli hu mengapput niya ihha-ad kun mannananeng ni heni tukud ni Tempol Apu Dios et manha-ad diman ni ingganah. Hi-gatulli heni keittuddekan ni ngadan nan Apu Dios e Dios ku, et mambebley ali etan di baluh ni bebley di Jerusalem e melpun Apu Dios di kabunyan niya hi-gatulli keittuddekan ni baluh ni ngadan ku.

Luke 12:8

Kan mewan Jesus ey “Ya tuun menghel ni edum tun tuun tuwak kakulluga ey ibbilang ku daman tuuk di hinanggaddan anghel Apu Dios.

Micah 4:7

Henidda nepi-day e anggehemmek ida niya neidawwiddad bebley da. Nem pambalin kullin et-eteng kabaelan ni bebley da. Meippalpullin nunman ey hi-gak e Ap-Apu hu man-ap-apun ingganah ni hi-gadad Duntug e Zion.

Romans 9:33

Huyya ey kamei-unnud etan di impatudek Apu Dios e kantuy “Wada puttuken kud Zion ni kamei-ellig di batun kehellapdungan ni tuu et man-egah ida. Nem yadda tuun mengiddinnel ni hi-gatu ey eleg ida mantuttuyyu, tep hellakniban tudda.”

Psalms 2:6

Kantuy “Impayudung kud Zion, e bebley ni nakka panha-adi hu pinutuk kun mampatul di kebebbebley.”

Revelation 14:14

In-ang-ang ku mewan ey wada mablah ni kulput e wada kamanyuyyuddung ni heni tuun nampenget ni balituk niya wada singnged tun makattadem ni gapas.

Revelation 15:5

Negibbuh huyya, ey inang-ang ku hu Tempol ni kapanha-adin Apu Dios di kabunyan e neibeghul.

Isaiah 49:14

Nem kan idan tutu-ud Jerusalem ey “Inwalleng daitsun Apu Dios, liniwwan daitsu.”

Revelation 6:8

Nak i-ang-ang ey wada hu nandep-ul ni kebayyu. Ya ngadan etan ni nantakkay ey hi Patey ey kameitu-tu-nud hi Hades e kalawwiddan netey. Wada kelebbengan ida etan ni dewwan memettey ni kagedwah ni gadwan tutu-u eyad puyek. Hi-gada kamengippeellin gubat, ya bisil, ya degeh niyadda anggetakkut ni animal di puyek.

Revelation 4:1

Negibbuh huyya et nak i-ang-ang ey heni neibeghul hu habyen ni kabunyan. Ey dingngel ku hu ehel etan ni immehel ni hi-gak ni laputun heni tenul ni tangguyup e kantuy “Ikay deya et peang-ang kun hi-gam hu mekapkapyalli.”

Sekariah 4:2

Ey kantun hi-gak ey “Hipa muka ang-ang-anga?” Kangkuy “Nakka ang-ang-anga hu pattukkan ni kengkeh ni nekapyad balituk niya neita-pew hu mahukung ni duyun neha-adan ni lana. Wada hu pitun kengkeh di nanlinikweh nunman ni mahukung ni duyu e nei-peng hu pitu mewan ni neidengdeng ni neha-adan ni mitsah.

Amos 8:2

“Hipa inang-ang mu e Amos?” Hinumang ku e kangkuy “Inang-ang ku hu basket ni napnun nelutun lameh ni keyew.” Kan Apu Dios ni hi-gak ey “Kamei-ellig ida tuuk ni iIsrael di nelutun lameh ni keyew, tep nedateng law aggew ni kekastiguan da. Eleggak a-ayyapawa pengastiguak ni hi-gada.

Daniel 12:5

Entanni ey inang-ang ku hu dewwan lakin kaman-eh-ehneng di nambina-hil di gilig ni wangwang.

Ezekiel 44:4

Entanni ey inlaw tuwak etan ni tuud eheb di appit ni north di hinanggan Tempol. In-ang-ang ku etan di Tempol Apu Dios ey kaumhili dayaw tu. Et manlukbubbak di puyek

Ezekiel 10:1

In-ang-ang kud etan di atep di ta-pew ni uluddan epat ni anghel ey wada hu heni yuddungngan ni patul ni sapphire hu nekapya.

Ezekiel 8:7

Entanniy inlaw tuwak mewan di habyen ni dallin ni Tempol et itudu tu hu negu-kangan di tuping ni luhud.

Ezekiel 2:9

Ey entannit nak i-ang-ang ey wada hu takley ni tuka idedengdeng ni hi-gak etan singnged tun neludun ni papil.

Ezekiel 1:4

Intangaw ku ey inang-ang ku e kamengelli pewek ni nalpud appit di north, niya kamangkekedyam e kamelpud etan di mahdel ni kulput. Ey ya etan di kabebnangin kedyam ey wada hu heni giniling ni kamambenbenyag.

Jeremiah 1:11

Entanni ey kan mewan Apu Dios ni hi-gak ey “Jeremiah, hipa inang-ang mu?” Hinumang ku et kangkuy “Inang-ang ku pangan almond.”

Ezekiel 10:9

Yadda etan epat ni heni helin talak ey nei-peng idan neidagsid kad-an idan epat ni anghel. Huyyaddan heni helin talak ey ida kamanlittaak e henidda chrysolite

Ezekiel 9:4

“Elaw kad Jerusalem et mu malkaan hu tuktuk idan emin ni tuun kaumlelemyung niya kamemunnumunnu nemnem da tep yadda eya lawah ni peteg ni kameippenahding eyad bebley.”

Revelation 14:3

Humman idan hanggatut et na-pat et epat ni libun tuun nehelakniban eyad puyek ey daka i-ena-appeh hu baluh ni a-appeh e hi-gadan ebuh hu nengamta. Immehneng idad hinanggan yinudungan Apu Dios, yadda etan epat ni mategu niyadda etan dewampulut epat ni aap-apu.

Revelation 22:4

Ang-angen dalli hu angah tu ey emin ali tuktuk da ey memalkaan ni ngadan tu.