Revelation 13:2 - Keley-i Bible (Antipolo Ifugao)

² Heni leopard hu ang-ang tu. Ya heli tu ey heni helin bear. Ya bungut tu ey heni bungut ni layon. Indawat etan ni dragon hu kelebbengan tu, ya kabaelan tu niya saad tun man-ap-apu.

Revelation 13:2 Referans Kwoze

Revelation 20:2

Dimpap tu etan dragon e humman hu uleg lan nunman e hi Satanas e hi-gatu hu Dimonyoh et ibelud tun hanlibun toon.

Revelation 17:12

Yadda etan hampulun ha-duk ey humman ida hampulun ap-apu, nem eleg ida ni man-ap-apu. Meki-ap-apuddallin nekemtang etan ni heni animal.

Revelation 12:9

et egahen daddad puyek. Humman ni dragon etan la uleg nunman, e hi-gatu etan dimonyoh e hi Satanas e kaumhauhaul ni tuud puyek.

1 Peter 5:8

Helipat-i yu niya ipapaptek yu annel yu, tep hi Satanas e buhul tayu ey tuka hellipat-i ma-lat bahbahen daitsu e henin etan ni layon ni kamangngengeyyed ni bunget tu.

Revelation 19:20

Nanggugubat ida ey nengapput etan nantakkay di kebayyu niyadda sindalu tu. Bineludda etan heni animal ni anggetakkut niya etan beken ni makulug ni prophet et pambekahen daddad apuy e wada sulfur tu. Ya etan beken ni makulug ni prophet hu nenauhaul idan dakel ni tuu tep ya tuka peennang-ang ni kaketngain tuud hinangngab etan heni animal ni anggetakkut. Yadda etan tuun nangkehaul ey inebulut dan pemalkaddan malka etan heni animal ni anggetakkut et daka daydayawa etan u-ukkul tun kinapya da.

Revelation 13:4

Ey daka daydayawa etan dragon, tep indawat tu kelebbengan tu etan ni heni animal ni anggetakkut. Anin ya etan animal et daka daydayawa. Kandan daka penaydayaw ey “Endi edum ni henin eyan heni animal ni anggetakkut. Endi hakey ni kabaelan tun mekihhanggan hi-gatu.”

Revelation 12:15

Entanni ey pinatnaan etan ni dragon ni lelsingen etan biin danum ni kamelpud bunget tu,

Revelation 12:13

Yan nengamtaan etan ni dragon e hi Satanas e na-gah di puyek, ey tu nanhamak etan biin nengiungnga etan ni laki.

Revelation 16:10

Induyag etan ni neikeliman anghel hu duyu tud kad-an ni kayuddungi etan ni heni animal ni anggetakkut ey nan-enget emin di nan-ap-apuan tu. Ey kapangkalatan tutu-udman hu dila da tep nemahhig daka panlelehhani.

Amos 5:19

Tep yan nunman alin aggew ey heni kayulli etan ni tuun tuka pan-ibbebsiki layon, ey dinammu tu hu bear. Hini-yan tu mewan etan bear et dumteng di baley tu et ihka tud luhud, ey killat ni uleg.

Jeremiah 13:23

Kaw dammutun hullulan ni andeket ni tuu hu ang-ang ni belat tu? Ey kaw dammutun e-kalen ni leopard hu batek tu? Eleg. Hanniman ni hi-gayu e endi kabaelan yun mengippahding ni kayyaggud.

Jeremiah 5:6

Et humman hu, yadda animal di muyung, henin layon, yadda ahhud eleg mebebleyi, yadda leopard ey petteyen dadda hu kamengippatnan meukkat di bebley et pamba-nuten dadda. Mukun meippahding humman ni hi-gada ey tep nemahhig liwat da niya ngehay dan Apu Dios.

Isaiah 5:29

Yadda sindalu da ey henidda layon ni kaman-elmem hedin wada pintey dan animal ni daka pan-ibsik di endi an memangngad. Hanniman ali dama pehding daddan tutu-uk.

Proverbs 28:15

Anggetakkut hedin ya lawah ni peteg ni tuu hu man-ap-apuddan newetwet ni tutu-u, tep heni anggetakkut ni layon ni kaman-elmem niya heni bear ni iyyallin umka-nut.

Proverbs 17:12

I-imman hu bear ni imbesik da impah tun dammuen nem ya etan tuun endi nemnem tun linggeman tuka pehpehding.

Psalms 22:21

Ey ihwang muwak anhan di pehding ida eyan tuun henidda layon, niya henidda ma-lem ni bulug, tep endin hekey hu kabaelan kun mekihhanggan hi-gada.

2 Kings 2:24

Nanwingi hi Elisha et iang-ang tun hi-gada et idutan tuddad ngadan Apu Dios. Entanniy wada dewwan bear ni nalpud muyung et pambi-kien hu na-pat et dewwan hi-gada.

Habakkuk 1:8

Na-na-let ni umbesik kebayyu da nem ya leopard. Niya nemahhig ni anggetakkut ida nem ya neupan immeyew ni ahhu. Yadda sindalu dan nampantakkay di kebayyun nalpud edawwin bebley ey henidda tulduh ni an manhehkeb ni kennen da.

Amos 3:12

Kan mewan Apu Dios ey “Ya kamampattul ni kalneroh ey hin-addum ni ebuh law tangila winu kukub ni ha-kupan tun sindaan ni layon. Henin nunman ali meippahding idan iSamaria e hahhakkey alin ebuh hu metdaan ni hi-gada, anin ni ida kamambakbaktad di nangkengina niya kakkayyaggud ni andukkey ni yuddungngan ni nunya.”

Hosea 11:10

Tep edum alin aggew ey u-unnuden da-ak idan tuuk. Heni-ak ali layon ni um-elmem et mambangngad idalli tutu-uk e manggegeygey idallin takut da e melpuddallid kakelinnugin aggew.

2 Timothy 4:17

Nem anin ni hanniman impahding da, et eleg tuwak iwalleng nan Apu Dios, nem binaddangan tuwak niya impetuled tuwak ni mengitultuluy ni mengituttuddun meippanggep nan Jesus Christo idan beken ni Jews. Pinhed idan buhul kun petteyen da-ak, nem inhewang tuwak Apu Dios.

Revelation 2:13

Inamtak e yad kad-an yu ey lawah idan peteg hu dakel ni tuudtan tep hi Satanas hu daka u-unnuda. Nem inamtak e nehammad hu yuka pengullug tep anin ni pintey da hi Antipas e hakey ni kameiddinnel ni kamengituttuddun meippanggep ni hi-gak et eleg kayu tumekut et eleg yu iwalleng hu yuka pengullug. Kayu kamelilligasidtan tep huttan ni bebley ey heni yadtan nambebleyan nan Satanas.

Revelation 13:12

Henin kelebbengan etan ni nemangulun heni animal ni anggetakkut hu kelebbengan tu. Tuka pillita tuun menaydayaw etan ni heni animal ni anggetakkut ni wada napwahan ni neliputan di ulu tu.