Revelation 13:11 - Keley-i Bible (Antipolo Ifugao)

¹¹ Entanni ey wada mewan hakey ni inang-ang kun heni animal ni anggetakkut ni neukat alid dallem ni puyek. Dewwa ha-duk tu e heniddan ha-duk ni impah ni kalneroh. Ya ehel tu ey heni ehel etan ni dragon.

Revelation 13:11 Referans Kwoze

Daniel 7:8

Nakka itettekel etan ida ha-duk tu ey inang-ang kun neukat ali hu ekkeket ni ha-duk et hek-ilen tudda etan tellu. Humman ni ekkeket ni ha-duk ey nemataan ni heni matan tuu niya wada bungut tun kamampahhiyyan kaman-e-ehhel.

Matthew 7:15

Helipat-i yuddalli etan tuun kanday prophet idan Apu Dios tep heni kayyaggud hu daka peang-ang e henidda etan ni kalneroh ni maka-ayup, nem lawah ni peteg hu wadad nemnem da e henidda etan ni mabunget ni ahhu tep pinhed dan bahbahen etan kayyaggud ni neitugun ni hi-gayu.

Revelation 17:6

Inang-ang ku etan bii ey nebuteng ni kuheyaw ida etan ni tuun Apu Dios ni pinetepetey da tep ya daka pengullug nan Jesus. Yan nenang-angan kun hi-gatu ey natnga-ak ni peteg et

Revelation 16:13

Entanni ey inang-ang ku e wada neukat ni tellun lawah ni ispirituh e nalpu hakey di bungut etan ni dragon, ya hakey di bungut etan ni heni animal ni anggetakkut niya nalpud bungut etan ni beken ni makulug ni prophet etan hakey. Ya ang-ang da ey henidda tukak.

Revelation 13:17

Ey endi hakey ni dammutun manggettang niya umgatang hedin endi malkan ngadan etan ni heni animal ni anggetakkut niya bilang tun neitudek di tuktuk winu yad ngamay etan ni tuu.

Revelation 11:7

Hedin megibbuh ni peamta da hu impeamtan Apu Dios, ey meukkat ali law hu heni animal ni anggetakkut di neku-kuan ni endi pappeg tu hu kadinallem tu, et an makipetey ni hi-gada ingganah petteyen tudda humman ni dewwa.

Romans 16:18

Yadda tuun hanniman hu elaw da ey beken ni hi Apu tayu e hi Jesus Christo hu daka u-unnuda, nem ya panyaggudan dan ebuh hu daka nenemnema. Kayyaggud ni peteg daka penappihappit ma-lat haulen dadda etan nelakah ni mehe-ul.

Revelation 12:17

Nemahhig bunget etan ni dragon etan ni bii et lumaw, e tudda gubbaten ida helag etan ni bii e humman ida etan kamengu-unnud ni tugun Apu Dios niya intuttuddun Jesus.

2 Thessalonians 2:4

Humman alin tuu ey ngenghayen tun emin hu meippanggep nan Apu Dios niyadda etan dios ni kadaydayawan edum ni tuu. Ey kantulliy endi edum ni kamedeyyaw nem hi-gatun ebuh. Et an umyudung etan di yuddungngan di Tempol Apu Dios et kantuy hi-gatu hi Apu Dios.

Revelation 17:8

Humman ni heni animal ni inang-ang mun mategun nunman ey netey law nunya, nem eleg mebeyyag ey meukkat ali law etan di neku-kuan ni endi pappeg tu hu kadinallem tu et lumaw di kekastiguan tun ingganah. Et metngaddallin peteg hu tutu-ud puyek ni penang-angan da mewan ni nunman e anggetakkut ni animal. Humman ida etan eleg maitudek ngadan da etan di libluh ni neitudekan ni wada biyag dan endi pappeg tu e neitudek dedangngu et han maweda emin eya wadan nunya.

Daniel 8:3

ey wada inang-ang kun lakkitun kalneroh ni dewwa ha-duk tun andukkey. Nem andudukkey hu hakey, anin ni nanggillig ni simmu-lu.

Revelation 13:1

Entanni mewan ey inang-ang ku hu heni anggetakkut ni animal ni nalpud baybay. Hampulu ha-duk tu niya pitu ulu tu, ey nangkapngetan ni emin hu ha-duk tu. Ey nangketudkan hu ulu tun lawah e humman keang-angan tu e tuka ngenghaya hi Apu Dios.

Revelation 13:4

Ey daka daydayawa etan dragon, tep indawat tu kelebbengan tu etan ni heni animal ni anggetakkut. Anin ya etan animal et daka daydayawa. Kandan daka penaydayaw ey “Endi edum ni henin eyan heni animal ni anggetakkut. Endi hakey ni kabaelan tun mekihhanggan hi-gatu.”