Revelation 12:8 - Keley-i Bible (Antipolo Ifugao)

⁸ Ey inapput di Michael etan dragon niyadda anghel tu et degyunen daddad kabunyan

Revelation 12:8 Referans Kwoze

Psalms 37:10

Yadda tuun lawah daka pehpehding ey anggegannuy meendiddalli et anin ni piga hamak ni hi-gada et eleg ida mehemmak.

Revelation 12:11

Nengapput ida agi tayu tep ya ineyuhan ni kuheyaw etan ni Impah ni Kalneroh ni neteyyan tu niya tep ya nengipeenamtaan dan ehel Apu Dios, anin ni humman umhulun ni ketteyyan da.

Jude 1:6

Hanniman ida dama eman edum ni anghel e kakkayyaggud idan nunman, nem nanliwat ida tep eleg da ipahding hu ngunu da dedan ni indinel Apu Dios ni hi-gada et dekugen da nanha-adan da, mukun impalaw tuddad engeenget et naneng tuddadman ingganah alin kehuwetan da et mekastigudda.

Acts 1:25

ni meihhullul nan Judas e nengiwelak ni kina-apostoles tu et lumaw di neiappitan tu dedan.”

Matthew 16:18

Et yan nunya, ey ingngadnan dakan hi Peter e ya keibbellinan tu ey batu. Hi-gam e Peter e meingngadnan ni batu hu umhulun ni pengullugan idallin tuun hi-gak tep ya humman ni inhel mun hi-gak. Humman idan mengullug ni hi-gak ey endi kabaelan Satanas ni mengapput ni hi-gada ma-lat endi silbin daka pengullug.

Jeremiah 5:22

Hi-gak hi Apu Dios, kele eleg yuwak deyyawa? Niya kele eleg kayu umtakut ni hi-gak? Hi-gak hu nengiha-ad ni palnah di gilig ni baybay et humman memappeg ni danum et eleg luma-pih anin ni metennuttu-ug. Ey anin ni na-let niya kamambungngug hu dalluyun et eleg meiddeplug humman ni pappeg ni inha-ad ku.

Psalms 129:2

Em, wada hakkey ni hi-gatsu ey kantayuy “Neipalpu eman ni keu-ungngak ey nanlelehhanan ku hu impahpahding idan buhul kun hi-gak, nem nanengtun eleg da-ak apputen.

Psalms 13:4

Ipaptek muwak anhan ma-lat eleg mabalin ni da-ak apputen idan buhul ku et eleg idalli man-am-amleng ni nengapput ni hi-gak.

Job 20:9

Anin idan gagayyum tu niyadda pamilyah tu et endilli law hu da penang-angan ni hi-gatu.

Job 8:18

Nem hedin nelekhadda man mettey ida et meendidda. Meihhullul ali mewan edum ni umtemel et meliwwan ida la etan nemangulu e heni eleg ida tummel diman.

Revelation 12:7

Entanni ey wada gubat di kabunyan et gubaten Michael niyadda edum tun anghel etan dragon niyadda anghel tu.

Revelation 12:9

et egahen daddad puyek. Humman ni dragon etan la uleg nunman, e hi-gatu etan dimonyoh e hi Satanas e kaumhauhaul ni tuud puyek.

Revelation 20:11

Entanni ey wada inang-ang kun et-eteng ni mablah ni yuddungngan ey wada yimmudung diman. Ey endi maptek ey attukaw la hu puyek niya kabunyan, tep endidda law di kad-an tu.