Revelation 12:3 - Keley-i Bible (Antipolo Ifugao)

³ Entanni ey inang-ang kud kabunyan hu hakey mewan ni kamengippetnga. Ya ang-ang tu ey heni et-eteng ni dragon. Madlang niya wada pitun ulu tun napngetan ni balituk, ey hampulu ha-duk tu.

Revelation 12:3 Referans Kwoze

Revelation 17:12

Yadda etan hampulun ha-duk ey humman ida hampulun ap-apu, nem eleg ida ni man-ap-apu. Meki-ap-apuddallin nekemtang etan ni heni animal.

Revelation 12:9

et egahen daddad puyek. Humman ni dragon etan la uleg nunman, e hi-gatu etan dimonyoh e hi Satanas e kaumhauhaul ni tuud puyek.

Revelation 17:16

Ya etan hampulun ha-duk niya etan heni animal ni anggetakkut ey humman idalli tuun man-ap-apun anggebe-hel dalli etan bii et ellan dan emin hu wadan hi-gatu niya bebladan da. Petteyen dalli et kanen da laman tu et giheben da genit tu.

Revelation 17:7

kan etan ni anghel ni hi-gak ey “Entan katngam tep e-helen kun hi-gam hu keibbellinan tudda humman ni inang-ang mun bii niya etan animal ni nantakkayan tun pitu ulu tu niya hampulu ha-duk tu.

Daniel 7:24

Ya etan hampulun ha-duk ey humman kei-elligan idalli etan ni hampulun patul ni mampan-ap-apudman e bimmaklang ni bebley. Nem wadalli hu hakey ni mebubbungnget ni hin-appil ni patul et apputen tuddalli hu tellu etan idan hampulun patul.

Daniel 7:20

Ey pinuhdanan ku hu meippanggep etan ni hampulun ha-duk tu et ya etan ek-eket ni ha-duk tun anggetakkut hu ang-ang tun nemataan niya nebungutan, et kamampahhiyyan man-e-ehhel. Humman ni ek-eket ni ha-duk hu nenek-il ida etan ni tellu et mapugah ida.

Revelation 20:2

Dimpap tu etan dragon e humman hu uleg lan nunman e hi Satanas e hi-gatu hu Dimonyoh et ibelud tun hanlibun toon.

Revelation 12:4

Ginuyud ni ikul tu hu ingkatlun bittuwen di kabunyan et egahen tuddad puyek. Kaum-eehneng di kad-an etan ni biin man-ungnga, tep pinhed tun kennen etan gelang hedin meukkat.

Revelation 12:1

Entanni ey wada nampeang-ang di kabunyan ni kamengippetnga. Ya ang-ang tu ey biin heni imbalwasi tu aggew tep kaumhili. Heni wadad daul ni heli tu hu bulan niya heni impenget tu hu hampulut dewwan bittuwen.

Revelation 16:13

Entanni ey inang-ang ku e wada neukat ni tellun lawah ni ispirituh e nalpu hakey di bungut etan ni dragon, ya hakey di bungut etan ni heni animal ni anggetakkut niya nalpud bungut etan ni beken ni makulug ni prophet etan hakey. Ya ang-ang da ey henidda tukak.

Isaiah 51:9

Apu Dios, inah ka et baddangan dakemi! Usal mu kabaelam henin impahding mun nunman e binahbah mu Egypt e Rahab hu hakey ni ngadan tu e humman nengadanan ni dragon di et-eteng ni Wangwang e Nile.

Isaiah 27:1

Yan nunman alin aggew ey kastiguen nan Apu Dios etan anggetakkut ni dragon di baybay e Lebayatan hu ngadan tu. I-usal tulli hu makattadem ni ispadah tun memettey nunman ni kamanlikulikuh ni dragon.

Revelation 19:12

Heni tebel ni apuy hu matetu niya dakel hu impenget tu, e humman immatun e ap-apu. Neitudek ngadan tud penget tu, nem endi nengamta, ebuh tu.

Revelation 12:17

Nemahhig bunget etan ni dragon etan ni bii et lumaw, e tudda gubbaten ida helag etan ni bii e humman ida etan kamengu-unnud ni tugun Apu Dios niya intuttuddun Jesus.

Isaiah 9:15

Yadda aap-apu da niyadda kametbal ni tutu-udman hu kameingngadnin ulu ey yadda prophets ni kamengittenuttuddun itek hu kameingngadnin ikul.

Revelation 12:7

Entanni ey wada gubat di kabunyan et gubaten Michael niyadda edum tun anghel etan dragon niyadda anghel tu.

Revelation 12:13

Yan nengamtaan etan ni dragon e hi Satanas e na-gah di puyek, ey tu nanhamak etan biin nengiungnga etan ni laki.

Revelation 13:1

Entanni mewan ey inang-ang ku hu heni anggetakkut ni animal ni nalpud baybay. Hampulu ha-duk tu niya pitu ulu tu, ey nangkapngetan ni emin hu ha-duk tu. Ey nangketudkan hu ulu tun lawah e humman keang-angan tu e tuka ngenghaya hi Apu Dios.

Revelation 13:2

Heni leopard hu ang-ang tu. Ya heli tu ey heni helin bear. Ya bungut tu ey heni bungut ni layon. Indawat etan ni dragon hu kelebbengan tu, ya kabaelan tu niya saad tun man-ap-apu.

Revelation 13:4

Ey daka daydayawa etan dragon, tep indawat tu kelebbengan tu etan ni heni animal ni anggetakkut. Anin ya etan animal et daka daydayawa. Kandan daka penaydayaw ey “Endi edum ni henin eyan heni animal ni anggetakkut. Endi hakey ni kabaelan tun mekihhanggan hi-gatu.”

Revelation 15:1

Entanni ey wada mewan inang-ang kud kabunyan ni kaketngain tuu. Wadadda pitun anghel ni wada hu pitun nambakbaklang ni ligat ni iddawat daddan tutu-u. Huyya manggillig ni ligat ni pengippeang-angan Apu Dios ni bunget tu.

Daniel 2:41

Huyyan meikka-pat ni pan-ap-apuan ey megedwa. Na-let pangil ey nekapuy hu pangil e humman keibbellinan ni nangkamdug ni pula niya gumek ni neikapyad dapan etan ni tuttu-u.