Revelation 10:11 - Keley-i Bible (Antipolo Ifugao)

¹¹ Ey kantu mewan ey “Mahapul ni mu peennamta eya inhel Apu Dios ni meippanggep idan ap-apu et yadda etan tuun nangkalpud nambakbaklang ni bebley ni nambakbaklang neitu-wan da niya ehel da.”

Revelation 10:11 Referans Kwoze

Ezekiel 37:4

Et kantuy “Ehel kan hi-gada et kammuy ‘Hi-gayun nangkema-ganan ni tu-ngal, dengel yu eya e-helen nan Apu Dios ni hi-gayu.

Revelation 17:15

Kan mewan etan ni anghel ni hi-gak ey “Ya etan ida wangwang ni inang-ang mun kapanyuyyuddungi etan ni biin tuka pebeyyad annel tu ey humman kakeiddingpatiddan dakel ni tuun nambakbaklang bebley da, ya nahlagan da niya ehel da.

Revelation 14:6

Entanni ey wada mewan inang-ang kun anghel ni kamantayyatayyab di kabunyan e tuka an peennamta etan kamannananeng ni kameituttuddun meippanggep nan Apu Dios idan katuutuud kebebbebley ni nambakbaklang nahlagan da, ya ehel da niya neitu-wan da.

Revelation 11:9

Emin ali hu tutu-un nambakbaklang bebley da niya nahlagan da, ya ehel da niya neitu-wan da, ey pan-in-aang-angan da hu annel idan nunman ni netey ni tellun aggew et kagedwah. Ey i-e-leg dallin ida meikkullung humman idan dewwan netey.

Ezekiel 37:9

Et kan mewan Apu Dios ni hi-gak ey “Kammun dibdib ey ‘Hi Apu Dios e Eta-gey ni peteg ey mandalen daka e dibdib et umli ka, anin ni attu kelpuam, ma-lat yayyahan mudda eya annel ni netey et tumegudda.’”

Revelation 5:9

Et ia-appeh da eya baluh ni a-appeh e kanday “Hi-gam hu wada kelebbengan tun mengella etan ni neludun ni papil ma-lat ekalen mu hu peket tu tep ya nemateyan daka hu neneklaan mun liwat idan tutu-ud kebebbebley e nambakbaklang hu nahlagan da, ya ehel da niya neitu-wan da et nambalin ida law ni tuun Apu Dios.

Revelation 10:10

Illak et kanen ku ey heni putsukan di bungut ku, nem inekmun ku ey mapeit di egeh ku.

Revelation 11:1

Indawat dan hi-gak hu tepeng ni heni katlubbung et kanday “Lakkay et mu tepengen hu Tempol et ya etan altar di bawang tu ey bilang mudda etan tuun kamenaydayaw nan Apu Dios ni wadadman.

Revelation 17:10

Ya hakey mewan ni keibbellinan tu ey humman ida etan pitun ap-apu. Nem neapput ida lima et ya etan meikka-nem hu ap-apun nunya. Meihhullul ali dama etan meikkeppitu, nem nekemtang alin ebuh hu pan-ap-apuan tu.

Revelation 17:12

Yadda etan hampulun ha-duk ey humman ida hampulun ap-apu, nem eleg ida ni man-ap-apu. Meki-ap-apuddallin nekemtang etan ni heni animal.

Jeremiah 25:13

Em, kastiguen kuddalli iBabilon. Ya pengastiguk ni hi-gada ey yadda etan impeamtak nan Jeremiah ni neitudek eyad libluh ni pemahbah kun emin ni bebley.