Revelation 1:17 - Keley-i Bible (Antipolo Ifugao)

¹⁷ Yan nenang-angan kun hi-gatu, ey netukkaddak di kad-an ni heli tu ey heni-ak netey. Ingkapetun hi-gak hu wannan ni ngamay tu et kantuy “Entan takut mu. Hi-gak ey wada-ak dedan ni laputu niya wada-ak alin pappeg tu.

Revelation 1:17 Referans Kwoze

Isaiah 44:6

Kan mewan Apu Dios e Kabaelan tun emin e kamenellaknib idan helag Israel ey “Hi-gak ni Dios ni ebuh hu endi laputu niya endi pappeg tu, endi edum.

Revelation 22:13

Hi-gak hu wada dedan ni laputu niya wadallin kepappegan ni emin. Wada-ak dedan ni nunman, yan nunya niya wada-ak ni ingganah.”

Isaiah 41:4

Hipa nenang-ang ma-lat maipahding idan emin huyyad kebebbebley ni nunman ingganah nunya? Hi-gak e hi Apu Dios e wada dedan ni laputu niya wadallin kepappegan ni puyek, hu nengipahding idan emin nunya.”

Isaiah 48:12

Kan Apu Dios ey “Dengel yuwak, hi-gayun helag Jacob ni nambebley di Israel e pinilik ni tutu-uk! Hi-gak ni ebuh hu Dios. Hi-gak etan endi laputu niya endi pappeg tu.

Revelation 2:8

Kantu mewan ni hi-gak ey “Pantudek kan etan ni anghel idan kamengullug di Smyrna et itudek mu e kammuy: Huyya hu inhel etan ni wada dedan ni laputu niya wadallin pappeg tu. Netey, nem simmagu, et yan nunya ey kantun hi-gayuy

Ezekiel 1:28

Humman ni kaumhilid annel tu ey heni sibbunglun. Henin nunya nenang-ang kun dayaw Apu Dios. Limmukbubbak di puyek nunman ni nenang-angan kun henin nunman ey wada dingngel kun immehel ni hi-gak.

Revelation 1:8

Hi Apu Dios e Han-ipahding tun emin ey kantuy “Hi-gak ey wada-ak dedan ni nunman, yan nunya, niya wada-ak ni ingganah. Hi-gak ey wada-ak dedan ni laputu niya wada-ak alin pappeg tu.”

Isaiah 41:10

Entan takut yu niya entan kedismayah yu, tep wada-ak ni Dios yu. Pe-let dakeyu, baddangan dakeyu niya ippaptek dakeyu ma-lat ihwang dakeyu.

Daniel 10:15

Dingngel ku humman ni inhel etan ni anghel ey na-meddak et nakka itettekel ni ebuh di puyek.

Revelation 1:11

Kantuy “Itudek mun emin hu ang-angen mu et palaw muddan kamengullug di pitun simbaan ni nei-peng di Asia, e yad Ephesus, yad Smyrna, yad Pergamum, yad Thyatira, yad Sardis, yad Philadelphia, et yad Laodicea.”

Matthew 28:4

Simmakut idan peteg etan tuun nan-adug, et ida kamanggegeygey ey netu-lidda e henidda netey.

Daniel 10:12

Et kantu ey ‘Entan takut mu, e Daniel. Dingngel nan Apu Dios hu dasal mu neipalpu eman ni nengipebabahan mun annel mu ma-lat wada inna-num ni mengewwat ni impeamta tud i-innep mu. Et mukun intu-dak tuwak alid ya.

Exodus 20:20

Ey kan Moses ni hi-gaday “Entan takut yu. Henin nunya hu pematnan Apu Dios ni hi-gayu ma-lat mengu-unnud kayun hi-gatu et eleg kayu manliwat.”

Exodus 14:13

Nem kan Moses ey “Entan takut yu! Petuled yu nemnem yu et ang-angen yu hu pehding Apu Dios ni mengihwang ni hi-gatsun nunya. Tep humman idan iEgypt ey meendidda et endilli law yu penang-angan ni hi-gada.

Genesis 15:1

Entanni ey nampeang-ang hi Apu Dios nan hi Abram di i-innep tu et kantuy “Abram, entan takut mu yaggud baddangan daka tep hi-gak hu heni panhappiyaw mu niya iddawtan dakan panyaggudam.”

John 21:20

Nanligguh hi Peter ey inang-ang tu etan disipol ni nakappinhed Jesus e kameitu-tu-nud ni hi-gada. Hi-gatu la hu neitakdul nan Jesus ni nengannan dad Jerusalem, et ibega tun hi-gatu hedin hipan hi-gada hu mengihdul ni hi-gatu.

John 13:23

Neitakdul nan Jesus etan disipol ni nakappinhed tu et

Habakkuk 3:16

Kamampagpagpag hu puhuk niya kamanggegeygey hu bibil kun nangngelak idan nunya. Anin idan helik et kamanggegeygey et eggak pakeehneng. Nem ennusak ni hehgeden hu kekastiguan idan buhul min nengubat ni hi-gamin tutu-um.

Exodus 3:6

Hi-gak hu Dios idan aammed mu e hi Abraham, hi Isaac et hi Jacob.” Et hanian Moses hu angah tu tep kaumtakut ni menang-ang nan Apu Dios.

Matthew 14:27

Nem pinhakkeyey immehel hi Jesus et kantuy “Entan takut yu, tep hi-gak huyya.”

Matthew 28:5

Entanni ey kan etan ni anghel etan idan bii ey “Entan takut yu. Inamtak et yuka an ennang-anga hi Jesus e neipetak di krus,

Revelation 1:4

Huyyan tudek kun hi-gayun kaegiegin kameemmuemmung etan idad pitun simbaan di probinsiya di Asia ey hi-gak e hi agi yun hi John hu nalpuan tu. Ya pinhed ku ey meweddan hi-gayu hu binabbal niya linggep ni kamelpun Apu Dios, e wada dedan nunman, yan nunya, niya wadan ingganah. Ey pinhed kun hanniman dama pehding ni Ispirituh tun pitu kabaelan tun wadad hinanggan Apu Dios di yinudungan tun tuka pan-ap-apui.

Psalms 139:5

Niya wada kan ingganah di kad-an ku ma-lat ipaptek muwak tep et-eteng hu kabaelan mu.

Lamentations 3:57

Ey hinumang muwak et kammuy ‘Entan takut mu.’