Revelation 1:16 - Keley-i Bible (Antipolo Ifugao)

¹⁶ Wada singnged ni wannan ni ngamay tun pitun bittuwen. Ey wada dimmewdew di bungut tun makattadem ni nambina-hil tadem tun ispadah. Ya heyaw ni angah tu ey heni petang ni nandattekan ni aggew.

Revelation 1:16 Referans Kwoze

Hebrews 4:12

Tep et-eteng ni peteg hu kabaelan ni ehel Apu Dios. Metattaddem nem ya ispadah ni makattadem di nambina-hil. Tep ya ehel tu ey tuka buddihi hu neidallem ni wadad nemnem tayu niya pinhed tayun pehding ma-lat meamta hu ingkatuu tayu.

Revelation 2:16

Isiked yun manliwwat tep hedin eleg yu issiked ey um-ali-ak et dakeyu kastiguen niya nak pampetteyen eyan ispadah ni wadad bungut kudda humman ni kamengu-unnud ni daka ituttuddu.

Revelation 19:15

Wada matedem ni ispadah di bungut tun humman pengapput tuddallin buhul tud kebebbebley, et endilli an mengapput ni hi-gatu. Apputen tuddalli et hi-gatulli pan-ap-apu da niya kastiguen tuddalli tep nemahhig hu bunget Apu Dios e Han-ipahding tun emin.

Revelation 2:12

Kantu pay ni hi-gak ey “Pantudek ka etan ni anghel idan kamengullug di Pergamum et ehelem e kammuy: Hi-gak etan wada matedem ni nambina-hil tadem tun ispadah di bungut tu.

Ephesians 6:17

Idinel yu nehelakniban yud liwat yun menennin hi-gayu, heni etan ni sindalun tuka iddinel hu helmet tun penenni tun ulu tu. Ey pandaddan kayun menghel ni ehel Apu Dios ni penemnem ni Ispirituh tun hi-gayu tep huyya heni ispadah yu.

Isaiah 49:2

Impambalin tu ehel kun henin makattadem ni ispadah. Impaptek tuwak niya impambalin tuwak ni heni nekammusingan ni pana e neidaddan ni meussal.

Revelation 19:21

Humman idan kamenaydayaw etan ni heni animal ni anggetakkut ey nampalang etan ni nantakkay di kebayyun ispadah tun wadad bungut tu et mangkatey ida et ipeppehel idan sisit hu annel da.

Matthew 17:2

Wadad dadman ey nelumman hu ang-ang Jesus e ya angah tu ey heni aggew e kaumhili. Ya balwasi tu ey nambalin ni mekabkablah e kamammussi-lak ni peteg.

Revelation 1:20

Yadda etan pitun heni bittuwen ni inang-ang mud wannan ku ey humman ida etan pitun anghel ni nei-peng di pitun simbaan. Yadda etan pitun kapengippettukin kengkeh ey humman ida kamengullug etan di pitun simbaan.”

Revelation 3:1

Kantu mewan ni hi-gak ey “Pantudek ka etan ni anghel idan kamengullug di Sardis et ehelen mun hi-gada e kammuy: Kan etan ni pitu kabaelan tun Ispirituh Apu Dios niya nangnged ni pitun bittuwen ey ‘Inamtak hu yuka pehpehding. Kan idan tuu ey mategu kayu, nem ya kakulugan tu e heni kayu netey, tep eleg maihammad hu yuka pengullug.

Acts 26:13

Kami kamenetteng diman ni emaggew ey pinhakkeyey wada inang-ang kun makaddilag nem ya aggew e binnangan dakemi.

Malachi 4:2

Nem hedin hi-gayun kamengu-unnud ni hi-gak ey ang-angen yulli kakinayyaggud ku e henilli aggew e bebnangan dakeyu et yumaggud kayulli. Man-an-anla kayullin heniddan impah ni bakan neibukyat di kubkub.

Revelation 12:1

Entanni ey wada nampeang-ang di kabunyan ni kamengippetnga. Ya ang-ang tu ey biin heni imbalwasi tu aggew tep kaumhili. Heni wadad daul ni heli tu hu bulan niya heni impenget tu hu hampulut dewwan bittuwen.

Revelation 10:1

Entanni ey wada mewan hakey ni inang-ang kun makewiging ni anghel ni nalpud kabunyan. Heni nambalwasin kulput ey heni wada impenget tun sibbunglun. Ya angah tu ey heni aggew. Ya heli tu ey heni tukud ni kamantettebbel.

Daniel 12:3

Emin idalli etan nelaing niya nangkenemneman ni nengipappangnguluddan kamengullug ey heniddallin wadad kabunyan ni kaumhili. Yadalli etan nenuttuddun dakel ni tutu-u et ya pinhed Apu Dios hu impahding da ey heniddalli bittuwen di kabunyan ni kamambebbennang ni ingganah.”

Job 38:7

e yan nunman ey ida kaman-a-appeh hu bittuwen niya ida kaman-am-amleng hu aanghel?

Daniel 8:10

Nambalin ni et-eteng ni peteg kabaelan tu humman ni pingin ha-duk et gubaten tudda sindalud kabunyan et egahen tudda edum ni bittuwen et pan-igsin tudda.

Isaiah 24:23

Me-ngetan ali bulan niya eleg ali law umpetang hu aggew, tep mampatul ali law hi Apu Dios e Kabaelan tun emin. Hi-gatulli man-ap-apu et yallid Duntug e Zion di Jerusalem panha-adan tu, et panhin-aang-angan idan kamengipappangngulun tutu-u hu dayaw tu.

Isaiah 11:4

Nem meandeng ali panhuwet tuddan nangkewetwet niya i-ehneng tu kelebbengan idan endi kabaelan da. Hedin mammandal, man mekastigudda kamengippahding ni lawah niya pepettey tudda hu lebbeng dan meippepettey.

Judges 5:31

Apu Dios, emin et anhan hu buhul mu ey mettey idan henin neteyyan Sisera! Nem emin ida et hu kamenaydayaw ni hi-gam ey heniddan aggew e kaumhili hedin pimmetang.” Entanni ey wada law hu limminggep di bebley dan na-pat ni toon.

Psalms 45:3

Iesip mu ispadah mu e ketultuledan ni patul. Et-eteng hu kabaelam ey hi-gam hu kamedeyyaw.

Song of Songs 6:10

Kanday ‘Hipa huyyan kakkayyaggud ang-ang tun bii? Kat-agu e heni kaumbenang e heni aggew niya bulan. Ey kakkayyaggud ang-ang tu e heniddan nantutu-nud ni bittuwen.’”

Revelation 2:1

Kantu mewan ey “Ya ittudek mu etan ni anghel idan kamengullug di Ephesus ey kammuy: Kan etan ni kamenettengnged ni pitun bittuwen di wannan ni ngamay tun kamandalladallan etan di gawaddan pitun balituk ni kapengippettukin kengkeh ey

Judges 3:16

Nengapya hi Ehud ni ispadah e hakey et kagedwah ni piyeh hu kedukkey tu. Intakap tu humman di wannan ni ulpu tu et hanian tun balwasi tu.