Psalms 97:4 - Keley-i Bible (Antipolo Ifugao)

⁴ Hedin ya mewan tuka peellin kedyam tu ey tuka bebnangi kebebbebley niya ida kaumgeygey hu tutu-u hedin inang-ang da.

Psalms 97:4 Referans Kwoze

Psalms 77:18

Hedin kimmidul et kamangkekedyam, man kamebnangi hu puyek niya kabunyan niya kamanyegyeg di puyek.

Psalms 104:32

Hedin intekel tu eyad puyek ey kamanyegyeg. Ey hedin kinepa tu hu duntug, man kamangkaukat hu ahuk.

Revelation 11:19

Entanni ey neibeghul hu Tempol Apu Dios di kabunyan et kameang-ang etan Kaban ni neiha-adan ni neitudkan ni nekitbalan tu. Ey kamangkekedyam niya kamangkikidul. Ey wada kamambungngug niya kamanyeyegyeg ey nemahhig hu udan e kamandallallu.

Revelation 19:11

Entanni ey in-ang-ang kud kabunyan ey heni neibeghul ey wada inang-ang kun mablah ni kebayyu. Ya etan nantakkay ey humman etan kameingngadnin Makulug niya Kameiddinnel di tuka pehpehding. Meandeng hu tuka penuwet ni tuu niya kaumlaw ni an mekiggubbat.

Jeremiah 10:10

Nem hi-gam e Apu Dios ey makulug kan Dios. Hi-gam ni ebuh e wadan ingganah ni Dios hu mannenneng ni Patul. Hedin bimmunget ka, man kamanyegyeg et emin hu tutu-ud kebebbebley ey eleg da han-isipel hu bunget mu.

Psalms 114:7

Hi-gam e puyek, panggegeygey kad hinanggan Ap-apu e Dios nan Jacob.

Psalms 96:9

Ey panyuung itsun menaydayaw nan Apu Dios tep ya kakinayyaggud tun peteg. Niya emin itsun katuutuud kebebbebley ey panggegeygey itsud hinangga tu tep ya takut tayun hi-gatu.

Job 9:6

Tuka peelli yegyeg niya tuka iggiwwed ida batun yinudungan ni puyek.

Job 37:3

Tuka peukkat hu kedyam di kabunyan ni impalaw tud emin eyad puyek.

Psalms 77:19

Nandalan kad ta-pew ni dalluyun et agwatem etan edallem ni baybay, nem endi an neang-ang ni gassin mu.