Psalms 91:14 - Keley-i Bible (Antipolo Ifugao)

¹⁴ Tep inhel Apu Dios e kantuy “Hi-gak hu mengihwang idan tuun neminhed ni hi-gak niya hi-gak hu mengippaptek idan kamengiddinnel ni hi-gak.

Psalms 91:14 Referans Kwoze

Psalms 9:10

Emin ida kamengu-unnud ni hi-gam, e Apu Dios, ey hi-gam hu daka iddinel, tep eleg mu iwwaklin hu tuun kamambeggan hi-gam ni mahapul tu, nem muka pekahhengnguda.

John 14:23

Kan Jesus ni hi-gatuy “Tep ebuh ida etan neminhed ni hi-gak niya kamengu-unnud ni tugun kun pengippeamtaan ku hedin hipa-ak. Pinheden idan Ama niya ippaptek midda tep wada kamin hi-gadan ingganah.

James 1:12

Ya tuun nanengtun nehammad hu tuka pengullug, anin ni kamanligligat, ey iddawtan Apu Dios ni panyaggudan tu e humman hu biyag ni endi pappeg tu, tep humman impakulug Apu Dios ni iddawat tuddan tuun neminhed ni hi-gatu.

Romans 8:28

Ey inamta tayu e emin hu kamekapkapyan hi-gatsu ey pambalin Apu Dios ni panyaggudan tayun neminhed ni hi-gatu e impantuu tu e humman dedan planuh tu.

James 2:5

Hi-gayuddan agik ni nakappinhed ku, dengel yu eya e-helen ku. Makulug ni yadda nangkewetwet hu daddakkel ni pinilin Apu Dios ni mengullug ni hi-gatu, et hi-gada hu imbilang tun kedangyan gapuh ni daka pengullug et hi-gadalli anhan law hu mekihha-ad ni hi-gatu, tep huyya impakulug tuddan tuun neminhed ni hi-gatu.

Galatians 4:9

Nem ay yan nunya ey pinappeg tu nanhimbutan yuddan nunman ni dios, tep inamta yu law hi Apu Dios ey nema-man hi-gatu e neka-amta dakeyu. Nem ay kele pinhed yu mewan ni mambangngad ni himbut idan nunman ni beken ni makulug ni dios ni endi silbitu?

Isaiah 33:16

Entan tu ipahding ida huyya ma-lat melinggep hu neitu-wan yu e heni kayu neihikug di bebley ni nehammad ni netuping luhud tu, eleg kayu mekullangin kennen yu niya innumen yun danum.

Psalms 91:9

Et humman hu, gapu tep hi Apu Dios e Keta-ta-geyyan hu muka keihhikkugi niya hi-gatu muka iddinel ni mengippaptek ni hi-gam

John 17:3

Et yadda etan tuun amta daka e makulug ni Dios niya amta da-ak e hi Jesus Christo e intu-dak mun um-alid puyek, ey hi-gadalli hu mekibi-biyag ni ingganah di kad-an mu.

Psalms 59:1

Apu Dios, ihwang muwak anhan ida eyad immalin buhul kun memettey ni hi-gak.

1 Chronicles 29:3

Yan nunya ey iddawat ku dakel ni silber ku niya balituk ku et mei-dum etan idad indaddan ku tep et-eteng hu neminhed kun Tempol Apu Dios.

Ezra 8:31

Immegah kamid Ahaba Canal eman ni meikkahampulut dewwan aggew ni nemangulun bulan et lumaw kamid Jerusalem. Naka-ippaptek dakemin Apu Dios mi et endi nengubat niya nambetak ni hi-gamin buhul mid nandalnan mi.

Psalms 9:11

Emin itsu, ia-appeh tayu hu penaydayaw tayun Apu Dios e Ap-apud Zion ey peamta tayuddan katuutuu hu kayyaggud ni impahpahding tu.

Jeremiah 39:17

Nem hi-gam ey ippaptek dakan hi-gak e Apu Dios ey ihhehwang dakaddad tutu-un muka tekkusi, ma-lat melinggep ka. Et eleg daka papetey tep muwak kaiddinel. Hi-gak e Ap-Apu hu nanghel nunya.”