Psalms 90:4 - Keley-i Bible (Antipolo Ifugao)

⁴ Nem hedin hi-gam, man ya hanlibun toon ey heni han-aggew ni ebuh, winu heni pigan olas ni ebuh ni hileng.

Psalms 90:4 Referans Kwoze

2 Peter 3:8

Nem entan tu liwwan e aaggik ida e emin hu inhel Apu Dios ni mekapkapya ey meippahding anin ni melebbah pigan toon. Tep hi Apu Dios ey nan-ingngeh hu han-aggew et ya hanlibun toon. Ma-nu kedit ingganah nunyay eleg tu peamnu hu inhel tun meippahding, ey tuka hehheggeda hu pantuttuyyuan ida-et anhan ni emin ni tuud liwat da, tep eleg tu pinhed ni anin hakey et wada an mekastigu.

Psalms 39:5

Em, ansikkey hu indawat mun biyag ku e heni handangan ni ebuh. Tep ya lingkud mun biyag ni tuu ey nekemtang ni peteg e henin pinhakkey ni yahyahan.

Matthew 24:43

Tep gullat ni amtan kambaley hu ellian ni matekew, ku umtukal et helipat-an tu ma-lat eleg humgep etan matekew.

Luke 12:38

Anin ni gawan hileng winu anin ni kimmapih hu pambangngadan ni apu da et um-amleng idan menehheged ni hi-gatu, tep nanna-ud ni wada iddawat tun hi-gadan panyaggudan da.

Matthew 14:25

Kamangkewa-wa ey kamenglaw hi Jesus di kad-an idan disipol tu e kamandaddallan di ta-pew ni danum.

Exodus 14:24

Yan eleg pay ni mewa-wa ey nan-uhdung hi Apu Dios e wada etan di kulput et apuy. Et wadaen tu takut idan sindalun iEgypt.

Judges 7:19

Nelabah hu gawan hileng e yan nunman hu kapanhullulliddan guwalya ey dimmateng hi Gideon et yadda edum tud gilig ni kampuddan iMidian. Impatnul da hu tangguyup da et pehiken da etan ida bewed ni singnged da.