Psalms 89:22 - Keley-i Bible (Antipolo Ifugao)

²² et eleg mabalin ni an apputen idan buhul tu niyadda lawah ni tutu-u.

Psalms 89:22 Referans Kwoze

2 Samuel 7:10

Ittuduan dakeyun tuuk ni helag Israel ni pambebleyan yu ma-lat yadman hu pambebleyan yun ingganah et eleg dakeyu law panhelheltap idan lawah ni tuu. Meippalpu eman ni wada pinutuk kun man-ap-apun hi-gayu ey ginubagubat dakeyun lawah ni tutu-u, nem meippalpun nunya ey eggak law i-abulut ni meippahding humman ni hi-gayu. Hi-gak e hi Apu Dios, ey pekullug kun hi-gam David e yadda helag mulli mampatul.

1 Chronicles 17:9

Intuduan dakeyun tuuk e helag Israel ni pambebleyan yun ingganah. Endi law mengippehelheltap ni hi-gayu eyad bebley yu. Yan inlian yudya ey ginubagubat dakeyuddan lawah ni tutu-u, nem meippalpun nunya ey endi law hanniman ni an meippahding. Hammaden kun e-helen e peapput kullin emin hu buhul yu niya iddawtan dakeyun helag yu.

John 17:12

Impapaptek kudda eyan nekihahha-adan kun hi-gada tep ya et-eteng kabaelan kun indawat mun hi-gak et endi hakey ni hi-gadan mekastigu. Ebuh etan hakey ni tuu e hi Judas, nem neipahding tep humman hu inamnuan ni impaitudek mud ehel mu.

2 Thessalonians 2:3

Entan kaheul yu, anin hipa kanda, tep eleg mabalin ni medettengan hu pambangngadan Jesus ingganah dakel ida mengiwwalleng niya mangngenghay nan Apu Dios, niya ingganah ni peang-ang etan kelellewwahan ni tuun tuka kehhinga tugun Apu Dios. Huyyallin tuu ey nanna-ud ni meippellaw di impiernoh et manhelheltap diman ni ingganah.