Psalms 88:9 - Keley-i Bible (Antipolo Ifugao)

⁹ Apu Dios, limmetuk hu matak ni lewalewak et eleggak law um-aang-ang. Ey kewa-wa-wa ni nakka mandasal niya nakka itata-gey hu ngamay kun bagak ni hemek mu.

Psalms 88:9 Referans Kwoze

Job 11:13

Ku gullat ni kayyaggud hu wadad nemnem mu niyad puhum et mandasal kan Apu Dios.

Psalms 86:3

Et humman hu, hemek muwak anhan e Apu, tep kewa-wa-wa ey nakka umdasadasal.

Psalms 143:6

Et ita-gey ku hu ngamay kun mandasal ni hi-gam, tep nemahhig ni makahhapul kun peteg hu baddang mu. Heni-ak nemagmag-an ni payew ni kahapulan tun peteg hu danum.

Psalms 38:10

Nemahhig ni endi law hu elet ku ey nakka umkenebkeb ni peteg ey anin ni ya matak et eleg law um-aang-ang.

John 11:35

Nimmangih hi Jesus

Ezekiel 17:11

Entanni ey kan Apu Dios ni hi-gak ey

Psalms 102:9

Nemahhig bunget mun hi-gak, et humman nengiwallengan mun hi-gak, et adyah e heni nakka kakkanna hu dep-ul niya kaman-ayyuayyuh hu lewak di nakka innuma.

Psalms 88:1

Ap-Apu e Dios kun kamenellaknib ni hi-gak, kewa-wa-wa niya kahilehileng ey nakka umdasadasal ni pemmekan mun hi-gak.

Psalms 68:31

Et hakey alin aggew ey pan-i-aliddan iEgypt hu nebalol ni gumek ni iddawat dan hi-gam niya hi-gam hu daydayawen dad bebley di Ethiopia et iappitan daka damadman.

Psalms 55:17

Nakka mampehemmehemmek di dasal kun kakkabbuhhan, yan emaggew niyan mahmahdem ey inamtak ni iddawat Apu Dios hu nakka ibbagan hi-gatud dasal ku.

Psalms 44:20

Gullat ni inwalleng daka e Dios mi et ya edum ni dios hu dinaydayaw mi e inta-gey mi ngamay mi et mandasal kamin hi-gada,

Psalms 42:3

Eggak mangamangan, tep kewa-wa-wa niya kelallabbi ey nakka umlewalewan lemyung ku. Nemahhig hu kapenge-ehhel idan buhul kun hi-gak e kanday “Kele attu mewan hu Dios mu et baddangan daka ey?”

Psalms 6:7

Eggak law um-aang-ang, tep limmetuk hu matak ni nanginangih kud kapehpehding idan buhul kun hi-gak.

Job 17:7

Eleg law um-aang-ang matak tep ya nanginangih ku. Nekappiguttak et heni-ak law allinnew.

Job 16:20

Anin ni inwalleng da-ak ni gagayyum ku et wada hi Apu Dios ni pandasalan ku.

Job 3:23

Kele kapannannaneng nan Apu Dios ni tegguen hu tuu ey endi damengu silbitu, tep endi namnamah tu?

Psalms 38:12

Yadda dama tuun ihik ni memettey ni hi-gak ey indaddan dan keknaan ku. Ey tagan da nemnem ni pehding dan memahbah ni hi-gak.

Lamentations 3:7

Endi man anhan namnamah kun umbebsik tep heni tuwak binangkiling.