Psalms 86:5 - Keley-i Bible (Antipolo Ifugao)

⁵ Apu Dios, kayyaggud ka niya muka pessinsahi hu liwat mi, tep eleg melumman hu impeminhed muddan kamampehemmehemmek ni hi-gam.

Psalms 86:5 Referans Kwoze

Joel 2:13

Peang-ang yu hu makulug ni lemyung yun liwat yu, et beken ni yu bi-kien balwasi yun ebuh. Pambangngad kayun mengu-unnud nan Apu Dios e Dios yu tep hedin hi-gatu, man mahmek niya kabbabbal. Beken ni kabbubunget niya eleg melumman hu impeminhed tu. Eleg manggagalid ni mengastigun hi-gayu.

Exodus 34:6

Nelabah hi Apu Dios di hinanggan Moses et kantun hi-gatuy “Hi-gak ni Ap-Apu e Dios ni kabbabbal ni peteg. Beken nak ni kabbubunget. Ey eleg melumman hu impeminhed kuddan tuu, ey nakka ippahding ni emin hu inhel ku.

Nehemiah 9:17

Eleg daka u-unnuden ey eleg da nemnemen etan ida la kamengippetngan impenahding mu. Ey ida kamampahhiya ey manghay ida ey kanday mampilliddan pan-ap-apu da, tep pinhed dan mambangngad di Egypt et mambalin ida mewan ni himbut diman. Nem hi-gam e Apu Dios ey muka liwwana liwat. Kabbabbal kan peteg ey endi pappeg ni neminhed mu. Bekken kan kabbubunget ey et-eteng ni hemek mu, et humman hu, eleg mudda iwalleng.

Psalms 103:8

Mahmek niya kabbabbal hi Apu Dios. Eleg melullumman hu impeminhed tu niya beken ni kabbubunget.

Acts 2:21

Et emin ali hu mambeggan baddang ni hi-gak ni nunman ni aggew ey mehellakniban.’”

Psalms 145:18

Nandadaddan ni menummang ni kaibbagaddan kamampehemmehemmek ni hi-gatud dasal da.

Psalms 86:15

Nem hi-gam e Apu Dios ey mahmek ka, kabbabbal ka, tep beken kan kabbubunget, niya eleg ni hekey melumman hu impeminhed mu niya muka pemaptek ni hi-gami.

Psalms 25:8

Hi-gam e Apu Dios ey kakkayyaggud kan peteg, et mukun muka ituttudduddan tuun nangkeliwtan hu kayyaggud ni elaw ma-lat humman hu u-unnuden da.

Psalms 130:7

Et humman hu, hi-gatsuddan helag Israel ey hi Apu Dios hu pandineli tayu, tep kamannananeng hu impeminhed tu niya nandadaddan ni menellaknib ni hi-gatsu.

John 4:10

Kan Jesus ey “Gullat et ni inamtam etan kaiddawat Apu Dios niya inamtam hedin hipa-ak et wadan mambegga kan hi-gak ni danum ni um-idwat ni biyag ni endi pappeg tu.”

Micah 7:18

“Endi hu Dios henin hi-gam e Ap-Apu. Muka liwwana liwat min tutu-um ni natdaan. Eleg mu pannananeng bunget mun hi-gami, tep kaka man-am-amleng ni mengippeang-ang ni hemek mun hi-gami.

Daniel 9:9

Nem mahmek ka e Apu e Dios mi, niya muka liwwana hu hipan liwat mi, anin ni eleg mi u-unnuden ni emin hu tugun mu.

Ezekiel 36:37

Hi-gak e Eta-gey ni peteg ni Ap-Apu ey kangkuy: Nandaddannak ni mengidwat ni hipan kekdewen idan helag Israel ni hi-gak. Dedngelen ku hu dasal da et henin kadinakkel idan kalneroh hu dakkelan da tep pedakkel kudda.

Ezekiel 36:33

Kan mewan Apu Dios e Eta-gey ni peteg ey “Hedin negibbuh ni heni nak inulahan hu liwat yu, man pambebley dakeyu mewan di bebley yu dedan ma-lat iyayyaggud yudda etan nangkebahbah.

Jeremiah 33:3

“Pandasal kan hi-gak et humangen kuddan et ehelen kun hi-gam hu kamengippetnga niya kayyaggud ni peteg ni eleg mu amtan nunman.

Psalms 119:68

Ituttuddum ni emin hu meippanggep ni tugun mu, tep kayyaggud ka niya kabbabbal ka e Apu Dios.

Jonah 4:2

Et mandasal hi Jonah e kantuy “Apu Dios, kaw eggak ehelen dedan eman ni eleggak peni-yanan alin bebley mi e henin nunya pehding muddan buhul mi? Mukun bimmesikkak et di Tarsis, tep inamtak dedan e kabbabbal kan peteg, mahmek ka, beken kan kabbubunget, eleg melumman hu impeminhed mu niya nandadaddan kan eleg mengippeamnun hipan inhel mun pengastigum.

Isaiah 55:7

Ey hi-gayun lawah tuka pehpehding, iwalleng yudda lawah ni elaw yu niya hulluli yu hu yuka pannemnemnem. Hi Apu Dios e Dios tayu kumaddan hu pandineli yu tep hedin hi-gatu, man et-eteng hu hemek tu niya kamanggagalid ni manliwwan ni liwat.

Psalms 130:4

Nem muka liwwana liwat mi, et humman hu, daka peka-u-unnuda.

Psalms 69:16

Apu Dios, dengel mu anhan huyyan dasal ku, tep nakappinhed muwak niya muwak kapakahmeka.

Psalms 36:7

Ya eleg melumman ni impeminhed mu ey nebalol ni peteg, tep endi tu kei-ingngehan. Et humman hu, hi-gam ni ebuh hu mika iddinel ni mengippaptek ni hi-gami, heni kami nanhidum di payak mu.

Ephesians 2:4

Nem anin ni hanniman et et-eteng hu hemek Apu Dios ni hi-gatsu niya et-eteng hu impeminhed tun hi-gatsu.

Psalms 52:1

Hi-gam ni tuun nandingngel, kele muka ippahhiya hu lawah ni muka pehpephding idan tuun Apu Dios? Kaw eleg mu amta e hi-gatu hu kameiddinnel ni ingganah ni kamengippaptek ni hi-gada?

Psalms 50:15

Ey emin di hipan panliggatan yu ey hi-gak pampebaddangi yu et ihwang dakeyu ma-lat daydayawen yuwak.”

Psalms 69:14

Apu Dios, baddangi muwak anhan ma-lat meihwangngak eyad kapehpehding idan buhul ku. Et heni muwak guyyuden di kelnengan kud luyluy winu danum ma-lat eleggak malsing.

Psalms 103:3

Tuka liwwanan emin hu liwat ku niya tuka e-kala hu degeh ku.