Psalms 80:5 - Keley-i Bible (Antipolo Ifugao)

⁵ Heni ya ligat hu intuging mun hi-gami ey heni ya lewa hu impainuinum mun hi-gami, tep nemahhig ni mika panlelehhani.

Psalms 80:5 Referans Kwoze

Isaiah 30:20

Anin ni kantu et iddawtan dakeyun Apu Dios ni panhelheltapan yu, et wadan ingganah ni mengituttuddun pehding yu.

Psalms 42:3

Eggak mangamangan, tep kewa-wa-wa niya kelallabbi ey nakka umlewalewan lemyung ku. Nemahhig hu kapenge-ehhel idan buhul kun hi-gak e kanday “Kele attu mewan hu Dios mu et baddangan daka ey?”

Psalms 102:9

Nemahhig bunget mun hi-gak, et humman nengiwallengan mun hi-gak, et adyah e heni nakka kakkanna hu dep-ul niya kaman-ayyuayyuh hu lewak di nakka innuma.

Job 6:7

Hedin hi-gak, man eggak kennadda humman ni kennen, tep heni eleg meekmun.

Psalms 74:1

Apu Dios, kele dakemi tu-wangu anhan inway et mena-yun? Ey kele nemahhig bunget muddan anhan ni tutu-um?

Psalms 79:5

Apu Dios, kaw pengpenglaw mu huttan ni nemahhig ni bunget mun hi-gamin heni kaumhihinyab ni apuy ni eleg me-me-dep?

Lamentations 3:43

Et gapuh ni bunget mu ey pindug dakemi et pampatyen dakemi e endi hemek mu.

Lamentations 3:44

Hineniam hu annel mun mahdel ni kulput et eleg umdateng dasal min hi-gam.