Psalms 78:3 - Keley-i Bible (Antipolo Ifugao)

³ e humman ida dingngel tayu niya inedal tayun hi-gada.

Psalms 78:3 Referans Kwoze

Psalms 44:1

Apu Dios, dingngel mi in-inhel idan eman ni ammed min meippanggep ni kakinayyaggud ni impahpahding mun eman ni ketaggu da.

Psalms 48:8

Diddingngel tayu hu panyaggudan nunman ni bebley ni impahpahding Apu Dios e Kabaelan tun emin, nem yan nunya ey inang-ang tayu law hu kakinayyaggud nunman ni bebley tu. Ey hi-gatu e hi Apu Dios ey tuka eddugi huyyan bebley et melinggep ni ingganah.

Exodus 13:8

Et hedin ippahding yulli huyyan piyestah ni katootoon ey ehel yuddallin u-ungnga yu e mukun wada huyyan piyestah ey tep huyya penginemnemneman tayun impahding Apu Dios et hi-yanen tayu Egypt.

Exodus 10:2

Et e-ehhelen yuddallin u-ungnga yu niya inap-apu yun edum ni aggew hu meippanggep idan nunyan impahding kun miracle ni nengastiguk idan eyan iEgypt. Et amtaen yun emin e hi-gak hu Ap-Apu.”

Job 13:1

Inang-ang kudda niya dingngel kudda lan nunman emin eya in-inhel yu. Ey nakka ewwasin emin e heni-ak ni hi-gayu, niya dakel dama inamtak. Kaw kanyu nem kulang inamtak nem hi-gayu?

Psalms 145:4

Tettebalen idallin manhuluhulul ni helag idan tutu-u hu kamengippetngan impenahding mu. Ey peennamta dallin helag da ida humman ni impahding mu tep ya et-eteng ni kabaelan mu.

Isaiah 38:19

Nem yadda mandeyyaw ni hi-gam ey yadda mategu. Henin hi-gak e deh e daka kadaydayawa. Anin idan a-ammed et daka ene-ehheladdan u-ungnga da hu eleg melumman ni muka pemaptek.