Psalms 78:13 - Keley-i Bible (Antipolo Ifugao)

¹³ Niya entanni ey ginedwa tu hu danum di baybay et heni dingding di nambina-hil ni nan-agwatan da.

Psalms 78:13 Referans Kwoze

Exodus 14:21

Dimmateng ida etan di baybay et idengdeng nan Moses etan hulkud tu ey impaelin Apu Dios hu na-let ni dibdib ni nalpud appit ni kasimmilin aggew et dumenibdibdib ingganah newa-wa. Entanni ey nanggedwa etan danum et mabudihan hu dalinat ni baybay.

Exodus 15:8

Inheb-uk mud baybay ey negedwa hu danum e heni natneng et ay heni nedingding et mabudihan hu mamegan puyek di dalinat ni baybay.

Psalms 66:6

Ya hakey ni impahding tu ey ginedwa tu hu danum di gawwan baybay et pandalnan ida eman ni aammed tayun nan-agwatan dadman. Et humman hu, pan-an-anla itsu tep ya humman ni tu impahding.

Joshua 3:16

ey nebengbeng hu danum di nengin-ahpat di petek ni Adam e bebley ni neihnup di Sarethan. Et matduk etan danum et endi law hu danum ni mampellaw di Baybay e Neahinan et man-agwat idan emin di wangwang et lumaw idad demang ni Jericho.

Habakkuk 3:15

Impadelan mu kalesah mud baybay et mangkibkibyaw danum diman.

Psalms 38:7

Nemahhig hu atung ni annel ku et heni-ak mettey.

Exodus 14:22

Et man-agwat ida helag Israel di baybay e nandalan idad mamegan puyek tep ya etan danum di nambina-hil di winilli niyad winannan ey heni natneng.

Exodus 14:29

Nem yadda helag Israel ey nan-agwat ida e nandalan idad mamegan puyek di dalinat ni baybay e nambina-hil hu danum e heni nebatneng di winannan niyad winilli.

Isaiah 63:12

Kele nealay eleg daitsu baddangin Apu Dios, e gapuh ni et-eteng ni kabaelan tu, ey impanhi-yan tu hu danum di baybay ni nengita-geyan nan Moses ni ngamay tu, et man-agwat ida tutu-u tu ma-lat maidaydayaw ni ingganah? Hi Apu Dios hu nengipengulun hi-gadan mandellan di gawwan baybay et henidda kebayyud duntug e kameka-ihhammad hu gassin da ma-lat eleg ida meihungbub.