Psalms 76:12 - Keley-i Bible (Antipolo Ifugao)

¹² Tep tuka endia tuled idan aap-apu niya tudda kapetekkut hu papatul eyad puyek.

Psalms 76:12 Referans Kwoze

Sephaniah 3:6

Kan Apu Dios ey “Binahbah ku dakel ni bebley, anin idan nangkehammad ni luhud da niyadda daka pangguwalyai. Endi law tutu-un kameweddag di keltad. Nangkebahbah idan emin et endin hekey natdaan.

Psalms 68:12

“Emin ida etan aap-apu niyadda sindaluddan buhul ni patul tayu ey ida kamemsik. Et panggegedwaan idan bibi-in helag Israel hu limmuddan nunman ni buhul da.

2 Chronicles 32:21

Dingngel Apu Dios hu dasal da et bagaen tudda anghel ni memettey idan sindalun Assyria, anin idan opisyal da niyadda ap-apun sindalu da. Et mambangngad hi Sennakerib di bebley dan nekabbaingan. Entanni ey pintey idan edum ni u-ungnga tu eman ni linawwan tud Tempol ni dios tu.

Isaiah 24:21

Yan nunman ali pengastiguan Apu Dios idan nanliwat ni anghel ni wadad kabunyan niyadda kamampahhiyan aap-apu eyad ta-pew ni puyek.

Psalms 47:2

Hi Apu Dios e Keta-ta-geyyan hu Ap-apud emin eyad puyek, et humman hu, hi-gatu lebbengtun tekkutan.

Psalms 2:10

Et humman hu, hi-gayuddan papatul niya aap-apud kebebbebley, dengel yu ma-lat pan-adlan yu eya e-helen kun hi-gayu.

Psalms 2:5

Entanni ey bimmunget ni hi-gada ey simmakut idan nemahhig ni bunget tu.

Revelation 6:15

Emin ida tuud puyek, anin ida etan ni ap-apu, yadda etata-gey saad da, yadda ap-apun sindalu, yadda kedangyan niyadda et-eteng kabaelan dan tutu-u, yadda himbut niyadda beken ni himbut ey nampantaluddad leyang niyad hungab di kedunduntug.

Psalms 68:35

Apu Dios, e Dios idan helag Israel, kaka mengippetngad muka panha-adi. Ey hi-gam hu kakelpuin elet niya kabaelan idan tutu-um. Daydayaw tayu hi Apu Dios!

Joshua 5:1

Yadda patul ni Amorite etan idad bebley di Jordan di appit ni kakelinnugin aggew et yadda patul ni iKanaan ni nampambebley di gilig ni Mediterranean ey nemahhig ni peteg takut da et meendin hekey tuled dan nangngelan dan siniked Apu Dios hu danum di Wangwang e Jordan et mema-ganan hu nan-agwatan idan helag Israel.

Leviticus 23:38

Huyyaddan piyestah ni pehding yu ey mei-dum di pengu-unnudan yun elaw ni Sabaduh, yadda kenayun ni yuka iddawat, yadda yuka i-appit ni insapatah yu et yadda yuka iggeb-at ni iddawat ni hi-gak e Ap-Apu.

Psalms 50:14

Tep ya pinhed kun pehding yu ey mansalamat kayu kumaddan ni hi-gak e Dios e Kabaelan tun emin, niya peamnu yu hu insapatah yun hi-gak.