Psalms 75:4 - Keley-i Bible (Antipolo Ifugao)

⁴ Nak ida kae-heli hu manghay ni tutu-u e kangkuy ‘Isiked yun mampahhiya!’ Ey kangkuddan tutu-un lawah daka pehpehding ey ‘Entan tu ipahhiya hu kabaelan yu,

Psalms 75:4 Referans Kwoze

Sekariah 1:21

Imbagak mewan hedin hipa keibbellinan tudda humman ey kan etan ni anghel ey “Immalidda ma-lat ipahding da hu anggetakkut idan nunman ni epat ni bebley ni nampengiwehit niya nemalpaligat idan iJudah.”

Proverbs 8:5

Hedin hi-gayuddan kamenangpah, attu anhan et menemneman kayu law ey? Ey hi-gayun endi nemnem tu, attu et menemneman kayu et lumeing kayuy?

Proverbs 1:22

Kantuy “Hi-gayun neikamkampu nemnem tu, kaw pinhed yun hannitan kayun neyun e eleg yu ussala nemnem yu? Isiked yun meneghegnud ida etan ni nelaing niya nenemneman.

Psalms 148:14

Pinutuk Apu Dios hu pampatul idan tutu-u tun helag Israel. Et humman hu, lebbengtun daydayawen idan emin ni kamengu-unnud ni hi-gatu. Em, lebbengtun daydayawen idan helag Israel e tutu-u tun nakappinhed tu. Daydayaw tayu hi Apu Dios!

Psalms 94:8

Kaegieigi, kele endin hekey hu nemnem yu? Pigantu kenemneman yu?

Psalms 89:17

Impengenapput dakemid mika pekihhanggaid buhul mi tep ya binabbal mun hi-gami.

Proverbs 9:6

Iwalleng yu hu endi silbitun elaw yu ma-lat maituu kayu. Kenemnemi kayu ma-lat amtaen yu kayyaggud ni kapehding.’”

1 Samuel 2:8

Muka pekeddangyan hu newetwet niya mudda kaihha-ad di eta-gey ni saad dan man-ap-apu ma-lat matbal ida. Kabaelam ni ippahding ida huyya e Apu Dios, tep hi-gam hu nanletun puyek ey inhammad mun inha-ad etan di keihha-adan tu ey meippuun di elaw tu.

Psalms 68:3

Nem hedin yadda etan tuun kakkayyaggud elaw da ey pan-am-amleng ida et itekkutekkuk da hu an-anla dad kad-an mu.

Psalms 97:5

Ey ida kameummah hu kedunduntug e henin kakeummahin lilin ni kapehding nan Apu Dios e Ap-apun emin ni wadad puyek.