Psalms 74:18 - Keley-i Bible (Antipolo Ifugao)

¹⁸ Apu Dios, entan tu liwwan ida etan buhul mun nemahhig hu ngehay dan hi-gam et daka kapippihula niya daka kangi-ngi-ngii.

Psalms 74:18 Referans Kwoze

Psalms 39:8

Helaknibi muwak anhan di liwat ku ma-lat endi gapun da-ak pemippihulan idan tuun endi nemnem tu.

Revelation 16:19

Nantelu-an ni nebahbah etan nandingngel ni bebley di Babilon, anin idan edum ni etta-teng ni bebley. Ninemnem Apu Dios hu lawah ni impahpahding idan tuud Babilon, et humman binungtan tu et kastiguen tudda.

Deuteronomy 32:6

Hi-gayuddan tuun endi nemnem tu, kaw hanneya pehding yun mampesalamat nan Apu Dios? Kaw beken ni hi-gatu ameyun nanletun hi-gayu, et ihhammad dakeyud nambebleyan yu?

Ezekiel 20:14

Nem eggak ipahding tep gullat ni impahding ku et hi-gak damengu hu mebe-ingan. Tep penghel idan nenang-ang ni nengipenguluak ni hi-gadan tutu-uk ey pintey kudda tep eggak kabaelan ni ippaptek ida.

Psalms 137:7

Apu Dios, entan anhan tu liwwan hu impahding idan helag Edom eman ni nanggepan dan Jerusalem et mantetekkuk ida e kanday “Pakabbahbah tayu eya bebley!”

Psalms 74:22

Apu Dios, kahegag ka et ipahding mu hu pinhed mun meippahding ma-lat pasiked mudda buhul mun kamekihhanggan hi-gam. Entan tu liwwan e kewa-wa-wa ey daka kangi-ngi-ngiiddan nunman ni tutu-un kamangngengehhay ni hi-gam.

Psalms 41:1

Man-am-amleng idan peteg hu tuun wada hemek daddan nangkewetwet, tep baddangan idan Apu Dios hedin wada ligat da.

Deuteronomy 32:27

Nem nakka um-agel e entanni ey mampahhiyadda buhul da et kanday ‘Nengapput itsu gapuh ni et-eteng ni kabaelan tayu. Beken hi Apu Dios hu nengipengapput ni hi-gatsu.’”

2 Kings 19:4

Intu-dak ni patul ni Assyria hu ap-apun sindalu tu, et taltalanggaen tu hu Dios tayun wadan ingganah. Nem hamban anhan dingngel Apu Dios e Dios mu humman idan in-inhel tu et kastiguen tudda ey. Et humman hu, pandasal ka anhan nan Apu Dios, ma-lat baddangan daitsun tutu-un natdaan.’”

2 Chronicles 32:19

Ya kapan-e-ehhel idan nunman ni opisyal meippanggep ni Dios di Jerusalem ey heni kinapyan tuu e heniddan dios idan edum ni tuu.

Lamentations 5:1

Nandasal ida iJerusalem ey kanday “Apu Dios, entan anhan tu liwwan ida neipahding ni hi-gami. Uhdungi dakemi et ang-angem hu nebabba-ingan mi.

Ezekiel 35:13

Beken ni ebuh humman tep dingngel ku mewan hu nemahhig ni yuka penaltalanggan hi-gak.