Psalms 72:18 - Keley-i Bible (Antipolo Ifugao)

¹⁸ Daydayaw tayu hi Apu Dios e Dios idan helag Israel. Ebuh tun kamengippahding ni kaketngain tuu.

Psalms 72:18 Referans Kwoze

Psalms 41:13

Kamedeyyaw hu Ap-Apu e Dios idan helag Israel! Em, medaydayaw ni ingganah. Amen. Em, amen!

Psalms 106:48

Daydayaw tayu hu Ap-Apu e Dios tayun helag Israel. Em, daydayaw tayun ingganah. Emin itsu ey kantayuy “Amen!” Daydayaw tayu hi Apu Dios!

1 Chronicles 29:10

Hi David ey dineyaw tu hi Apu Dios di hinanggaddan neamung ni tuu e kantuy “Ap-Apu e Dios idan eman ni ammed mi e hi Jacob, medaydayaw kan ingganah!

Psalms 86:10

Makulug ni et-eteng hu kabaelan mu niya muka ippahding hu kaketngain tuu. Hi-gam ni ebuh hu Dios.

Exodus 15:11

Apu Dios, endi edum ni dios ni henin hi-gam. Kaw wadan hi-gada hu kamedeyyaw ey kakkayyaggud e henin hi-gam? Et hipan hi-gada hu kabaelan tun mengippahding idan kamengippetngan muka ippenahding?

Psalms 136:4

Pansalamat itsun hi-gatu, tep ebuh tun han-ipahding tu hu kaketngain tuu. Ya impeminhed tu ey kamannananeng ni ingganah.

Psalms 77:14

Ebuh kan kamengippahding idan kaketngain tuu niya impaenang-ang mud kebebbebley hu et-eteng ni kabaelan mu.

Psalms 68:35

Apu Dios, e Dios idan helag Israel, kaka mengippetngad muka panha-adi. Ey hi-gam hu kakelpuin elet niya kabaelan idan tutu-um. Daydayaw tayu hi Apu Dios!

1 Chronicles 29:20

Ginibbuh David ni nandasal et hantu iolden idan tutu-u e kantuy “Dayaw yu hu Ap-Apu e Dios tayu!” Et emin ida etan tuun neamung ey dineyaw da hu Ap-Apu e Dios idan aammed da e nanyuung ida ey nandukkun idad hinanggan Ap-Apu e Dios niyad hinanggan David e patul.

Job 5:9

Tep dakel hu tuka pehding ni eleg tayu han-awat niya endi pappeg ni tuka ippahding ni miracle.

Job 9:10

Humman idan emin ni impahding tu ey ita kametnga, niya eleg mebillang hu miracle ni tuka pehding.

Psalms 77:15

Ey inhewang mudda tutu-um ni helag di Jacob nan Joseph, tep ya et-eteng ni kabaelan mu.

Psalms 98:1

Ia-appehi tayu hi Apu Dios ni baluh ni a-appeh, tep kayyaggud hu impenahding tun hi-gatsu. Ey naka-apput tudda buhul tu tep ya kabaelan tu niya kakinayyaggud tu.