Psalms 72:16 - Keley-i Bible (Antipolo Ifugao)

¹⁶ Ey kayyaggud hedin umyaggud hu lameh ni kaittanem idan tuu tu niya mekallameh hu nangkeitnem ida etan di kedunduntug e henid Lebanon. Niya kayyaggud hedin mepnudda tutu-ud kebebbebley et heniddan pattullan e nenapnapan ni helek.

Psalms 72:16 Referans Kwoze

Revelation 7:9

Nan-ang-angngak mewan ey wadadda neamung ni hantapug ni tuun eleg mebillang. Immehneng idad hinangga etan ni yimmudung di yuddungngan ni ap-apu et ya etan Impah ni Kalneroh. Nalpuddad nambakbaklang ni bebley ey nambakbaklang ni emin hu nahlagan da, ya ehel da et ya neitu-wan da. Nampambalwasiddan mangkablah ey wada singnged dan bulung ni palmah.

Acts 4:4

Nem dakel ida nengulug ni nunman ni intuttuddud Peter nan John, tep limmaw ni liman libu hu bilang ni lalakkin nengulug. (Eleg makibilang ida bibi-i niyadda u-ungnga.)

Acts 2:41

Yan nunman ni aggew ey limmaw idan tellun libu hu tuun nengulug ni inhel Peter et pebenyag ida et mei-dum idad kamengullug nan Jesus.

Acts 1:15

Ya eman ni pinhakkey ni neamungan idan kamengullug e limmaw idan hanggatut et dewampulu ey immehneng hi Peter et kantun hi-gaday

Jeremiah 33:22

Pedakkel kulli helag David e bega-en ku ey pedakkel ku dama helag Levi ni mansilbin hi-gak et endilli pakebilang ni hi-gada tep henilli kadinakkel idan bittuwen di kabunyan ey heniddallin kadinakkel ni palnah di gilig ni baybay.”

Isaiah 35:2

Em, manhebbung idalli neitnem diman et henilli kaman-a-appeh niya kamantetkuk ni an-anla tu. Kayyaggud alin peteg ang-ang tu et henillin duduntug di Lebanon niya henillin kakinayyaggud ni ang-ang idan kudal di Karmel niya nedeklan ni puyek di Saron. Yan nunman ali penang-angan ni emin ni tuun dayaw niya kasina-gey Apu Dios e Dios tayu.

Isaiah 32:20

et bendisyonan alin Apu Dios ida tutu-u tu, et mateballin emin ittanem da, tep dakel ali danum ni penennum da niya mahkang ali kudal dan pengippattulan dan babakka da niyadda donkey da.

Isaiah 32:15

Nem peellillin Apu Dios hu Ispirituh tu, et yaddalli eleg la ni metennemin nunman ey mambalin alin mateba mewan hu meitnem diman. Ey umyaggud idalli dama papayyew et dakel meenni.

Isaiah 30:23

Peelli mewan Apu Dios hu udan et tumattaba intanem yu, et dakel illameh tun ennien yu, et anin idan bakeyu et eleg ida mekullangin kennen da, tep dakel.

Isaiah 29:17

Nemnem yu eya kan idan tutu-uy “Eleg umbayag ey mambalin hu muyung di Lebanon ni payew et ya etan payew e kayyaggud kameitnem ey mambalin ni mahdel ni muyung.”

Psalms 104:16

Anin idan keyew mun nan-itnem mun sedar di Lebanon et ida kamekaddennumi.

Psalms 72:6

Em, baddangim huyyan patul ma-lat ya panyaggudan emin ni bebley hu pehpehding tu, henin udan e ya panyaggudan ni neitnem hu tuka iddawat.

Job 8:7

Et yalli kinedangyan mun iddawat Apu Dios ni hi-gam ey daddakkel ali anhan law ni peteg nem ya la kinedangyan mun nunman.

Job 5:25

Dakel idalli u-ungngam niya henillin kedakkel ni helek di pattullan hu helag mu.

1 Kings 4:20

Ya kedakkel ni tutu-ud Judah et yad Israel ey henin kedakkel ni palnah di gilig ni baybay. Dakel hu kennen da niya innumen da ey ida kamampan-an-anla.

Revelation 7:14

Ey kangkuy “Apu, hi-gam nengamtan hi-gada, eggak ida ngu amta.” Et kantun hi-gak ey “Huyyadda etan tuun nehelakniban eman ni nemahhig hu nepalpaligatan ni tuu. Mangkablah hu balwasi da tep imbalbal dad kuheyaw etan ni Impah ni Kalneroh.