Psalms 68:34 - Keley-i Bible (Antipolo Ifugao)

³⁴ Hi-gatu hu ap-apud kabunyan niya kameang-ang di Israel hu et-eteng ni kabaelan tu. Emin kayu ey yu paenamta humman ni kabaelan tu.

Psalms 68:34 Referans Kwoze

Revelation 19:6

Wada mewan dingngel kun ehel idan dakel ni tuu e heni na-let ni bungug ni kamampey-uk ni danum niya heni bungug ni na-let ni kidul e kanday “Daydayaw tayu hi Apu Dios. Tep hi Apu tayu e Han-ipahding tun emin ey hi-gatu Ap-apun emin.

2 Peter 1:17

Wada kamid Jesus etan di duntug ni nunman ni nengipeang-angan nan Ama tayu e hi Apu Dios ni tuka pembal niya tuka pengiddeyyaw nan Jesus et dingngel mi hu inhel tu e kantuy “Huyya etan binugtung ni u-ungngak ni nakappinhed ku. Hi-gatu hu kamengippeamleng ni hi-gak.”

Psalms 150:1

Daydayaw tayu hi Apu Dios! Em, daydayaw tayu hi Apu Dios di Tempol tu. Anin ni hi-gayuddan wadad kabunyan ey daydayaw yu hi Apu Dios tep yadtan kakeang-angin kasina-gey tu.

Deuteronomy 33:26

“Hi-gayun helag Israel e kamengeddanin Jeshurun, endin hekey hu kamei-ingngeh di Dios yun kamedeyyaw di kabunyan e heni nanlugan di kulput ni um-alin memaddang ni hi-gayu.

Deuteronomy 33:27

Hi-gatu kaihikugi yu ey hi-gatu memaddang ni hi-gayun ingganah. Dinegyun tudda buhul yu et kantun hi-gayuy ‘Bahbah yuddan emin.’

Psalms 29:4

Et-eteng hu kabaelan ni ehel tu niya kameamta hu kasina-gey tun peteg hedin himmapit.