Psalms 68:14 - Keley-i Bible (Antipolo Ifugao)

¹⁴ Hi Apu Dios e Kabaelan tun emin ey inwahit tudda humman ni patul henin kakeiwwehhisin kame-gah ni dallallud Duntug e Salmon.

Psalms 68:14 Referans Kwoze

Isaiah 1:18

Immehel mewan hi Apu Dios e kantuy “Imay, keyuy et man-uungbal itsu. Anin ni nakalliwtan kayu e heni kayu nekammansaan ni madlang, et liwwanen kudda liwat yu. Heni dakeyu paka-ullahan et maka-kal lugit yu, et heni kayu dallallun paka-gah tu. Ey anin ni makadlang mansa yu et pambalin dakeyun makablah e henin dutdut ni kalneroh.

Psalms 51:7

Ekal mudda anhan hu hipan liwat ku, ma-lat yumaggud hu neitu-wan ku et heni neulahan hu lugit ku.

Judges 9:48

Inla tu wahay et bumengwah ni pangan keyew et pahnen tu. Et kantuddan sindalu tuy “Papuut yu et iu-unnud yud impahding ku.”

Jeremiah 2:3

Hi-gayun helag Israel, yan nunman ey hi-gak ni ebuh hu kan tuun hi-gayu ey hi-gayun ebuh nemangulun nenaydayaw ni hi-gak. Et mukun emin ida nengipehelheltap ni hi-gayu ey kinastiguk ida et manhelheltap ida et hannak bahbahadda. Hi-gak e Dios hu nanghel nunya.”

Judges 2:7

Hi Joshua e bega-en Apu Dios e u-ungngan Nun ey netey eman ni hanggatut et hampulu toon tu. Neikulung di Timnat Serah e tawid tu etan di duntuduntug di Epraim di appit ni north di Duntug e Gaas. Yan nunman ni ketaggun Joshua et yadda nangkea-amman eleg pay ni matey ni nenang-ang emin idan kayyaggud ni impahding Apu Dios ey inu-unnud idan helag Israel hi Apu Dios.

Numbers 21:3

Dingngel Apu Dios dasal da et baddangan tuddan mengapput ni iKanaan, et pekabbahbahen dadda bebley diman et ngadanan dan Hormah.