Psalms 63:5 - Keley-i Bible (Antipolo Ifugao)

⁵ Niya man-am-amlengngak ni mengi-ena-appeh ni penaydayaw kun hi-gam e heni-ak nekangngan ni meheng-ew ni kennen et makaphellak.

Psalms 63:5 Referans Kwoze

Isaiah 25:6

Ya eyad Duntug e Zion ey indaddan Apu Dios e Kabaelan tun emin hu hemmulen ni emin ni tutu-u eyad puyek. Meheng-ew ida kennen niya kayyaggud ida meinnum ni indaddan tu.

Psalms 43:4

Em, ipengulu muwak di altar mu e Apu Dios et daka iappitan diman, tep hi-gam hu kakelpuin amleng ku. Et ia-appehan daka ey petnul ku ayyuding kun penaydayaw kun hi-gam e Dios ku.

Psalms 17:15

Nem hedin ngun hi-gak, man nakka makaddinnel e ang-angen dakalli, tep hi-gam hu inu-unnud ku. Em, um-amlengngak alin menang-ang ni hi-gam ni bengngunan ku.

Psalms 135:3

Daydayaw tayu hi Apu Dios tep ya kakinayyaggud tu niya iena-appeh tayu hu penaydayaw tayun ngadan tu tep ya binabbal tu.

Psalms 71:23

Makulug ni ittetkuk kulli am-amleng ku niya a-appeh kun penaydayaw kun hi-gam, tep hinelakniban muwak.

Psalms 65:4

Et humman hu, man-am-amleng kamin pinilim ni tutu-um ni mekiha-ad ni hi-gam di kad-an mu, tep endilli mi pangkullangan di hipan panyaggudan mid Tempol mu.

Jeremiah 31:4

Baddangan dakeyulli mewan ni hi-gak et gapuh ni amleng yu ey manggangha kayu ey meneyyaw kayu.

Song of Songs 1:4

Papuut mu et awiten muwak di baley mu e apu patul. Ilaw muwak di kuwaltuh mu.” Yadda kat-agun bibi-in gagayyum etan ni patul ey kandan hi-gatuy “Kami kaman-an-anla meippanggep ni hi-gam. Anin ni hi-gami et kammi ey ‘Ya neminhed mu etan ni biin nakappinhed mu ey kekkeddukdul nem ya kapenginnumin meinnum.’” Immehel etan biin gayyum etan ni laki ey kantuy “Ambuley pinpinhed dakaddan emin ni kamenikken ni bibi-i.

Psalms 104:34

Ya pinhed ku ey um-amleng hi Apu Dios idan nunyan nakka nemnemnema, tep hi-gatu kakelpuin amleng ku.

Psalms 96:6

Kameang-ang hu dayaw tu, ya kasina-gey tu, ya et-eteng ni kabaelan tu niya kakinayyaggud ni ang-ang tud Tempol tu.

Psalms 104:33

Et humman hu, yan nunyan ketagguk ey ia-appeh ku hu penaydayaw kun Apu Dios. Em, lakitdi wada hu yayyah ku ey hi-gatu e Dios ku hu daydayawen ku.

Psalms 134:2

Em, ita-gey yu hu ngamay yun pandasalan yud Tempol et daydayawen yu hi Apu Dios.