Psalms 59:11 - Keley-i Bible (Antipolo Ifugao)

¹¹ Apu e Dios min kamengippaptek ni hi-gami, entan tudda peminpinhakkey ni endien ida humman ni buhul ku, nem pannananeng muddan manhelheltap ma-lat eleg liwwanen idan tuuk e makulug ni mudda kakastigua hu lawah ni tutu-u. Ey anin ni iwehit muddan ebuh niya peapput mudda gapuh ni kabaelan mu.

Psalms 59:11 Referans Kwoze

Psalms 3:3

Nem anin ni hanniman hu kanda e Apu Dios, et inamtak e baddangan muwak et meihwangngak kayad lawah ni hipan mekapkapya. Hi-gam hu kamengippetuled ni hi-gak ey peidaydayaw muwak.

Revelation 9:6

Yallin nunman e liman bulan ey umhamahamak idalli etan tuun ketteyyan da. Pinhed dallin mettey tep panlelehhanan da, nem eleg idalli ni mettey ni nunman.

Luke 21:21

Yadda tuud Judea ey mahapul ni umbesik idad duntug. Anin idan tuud Jerusalem et mahapul ni umbesik ida dama, ey yadda etan wadad a-allaw ni Jerusalem ey mahapul ni eleg ida umhegep di bebley.

Psalms 52:5

Nem nanna-ud ni mampinhakkey dakallin endien nan Apu Dios, tep heni daka la-nihen di nambalyan mu et palaw tukad dungay.

Job 40:12

Itkel mun hi-gada niya ibabah mudda, anin idan lawah ni tutu-u et pakabbahbah mudda.

Deuteronomy 28:64

ey iwwahit dakeyun Apu Dios di kebebbebley anin ni attu eyad puyek. Et deyyawen yu law diman ida beken ni makulug ni dios e nekapyad keyew ey batu anin ni endiddan aammed yu an nandayaw ni henin nunman.

Deuteronomy 4:27

Et iwwahit dakeyun hi-gatud kebebbebley, et lektattuy hahhakkey metdaan ni hi-gayu.

Psalms 106:27

niya pan-iwwahit tuddalli helag dad edum ni bebley et mangkatey idadman.

Psalms 84:11

Tep hi Apu Dios hu kamengippaptek ni hi-gami, ey hi-gatu kakelpuin mika panyaggudi niya mika ketbali, tep nandadaddan ni mengidwat ni panyaggudan idan tutu-un kamengu-unnud ni hi-gatu.

Psalms 84:9

et bendisyonam etan pinutuk mun patul mi.

Psalms 44:11

Ey in-abulut mudda hu edum ni hi-gamin heni kalneroh ni nampatey da ey yadda edum mi ey neiwehit idad bebley ni neilawwan da.

Deuteronomy 4:9

Nem ang-ang yu et eleg yu liwwanen ida etan inenang-ang yun impahpahding Apu Dios ni panyaggudan yu. Ey mahapul mewan ni eleg yu liwwana eyan ketaggu yu, ma-lat ituttuddu yuddan u-ungnga yu niya inap-apu yudda humman.

Leviticus 26:33

Peellik ali mengubbat ni hi-gayu et iwehit dakeyud kebebbebley et mebel-ah hu pupuyyek yu niya mannananeng ni mebahbah hu bebley yu.

Ecclesiastes 9:5

Makulug humman! Tep hedin ya mategu ey amta da e mettey ida, nem hedin yadda netey ey endi inamta da. Endilli da gun-uden ey meliwwan idalli.

1 Samuel 24:5

Nem entanni ey el-eleg hu kapannenemnem nan David ni tu nengedgedan ni utduk ni balwasin Saul.

Psalms 118:7

Nakka medinnel ni baddangan tuwak nan Apu Dios et meapput ida hu kamekibbuhhul ni hi-gak.