Psalms 54:6 - Keley-i Bible (Antipolo Ifugao)

⁶ Nakka um-amleng ni mengi-lin pinhed kun i-appit ni hi-gam e Apu niya nakka mansalamat ni hi-gam tep kakkayyaggud ka.

Psalms 54:6 Referans Kwoze

Psalms 52:9

Apu Dios, daydayawen dakan ingganah tep kakkayyaggud ka. Ey ene-ehhelen kuddan tutu-um hu kayyaggud ni impahding mu.

Psalms 147:1

Daydayaw tayu hi Apu Dios! Em, kayyaggud hedin man-a-appeh itsun penaydayaw tayun Dios tayu, tep humman dedan hu lebbengtun pehding tayu.

Psalms 7:17

Hedin ngun hi-gak, man nakka mansalamat nan Apu Dios tep ya kakinayyaggud ni peteg ni tuka pehding. Ey ia-appeh ku hu nakka penaydayaw ni ngadan tu e Keta-ta-geyyan ni Apu.

Psalms 140:13

Nanna-ud ni daydayawen dakalli etan idan tutu-un kamekangngu-unnud ni hi-gam, niya makulug ni yallid kad-an mu hu panha-adan da.

Psalms 107:22

Ey lebbeng tun man-appit idan pansalamat dan hi-gatu. Niya lebbeng tun i-ena-appeh da hu amleng dan mengippeennamtaddan kakkayyaggud ni impenahding tu.

Psalms 116:17

Man-appittak ni pansalamat kun hi-gam niya mandasallak ni hi-gam e Apu Dios.

Psalms 92:1

Kayyaggud ni mansalamat niya man-a-appeh ni penaydayaw ni hi-gam, Apu e Keta-ta-geyyan.

Psalms 21:13

Daka kadaydayawa e Apu Dios, tep ya kabaelan mu, niya mika ia-appeh hu amleng mid kayyaggud ni impahding mu.

Psalms 50:14

Tep ya pinhed kun pehding yu ey mansalamat kayu kumaddan ni hi-gak e Dios e Kabaelan tun emin, niya peamnu yu hu insapatah yun hi-gak.

Psalms 118:7

Nakka medinnel ni baddangan tuwak nan Apu Dios et meapput ida hu kamekibbuhhul ni hi-gak.

Isaiah 50:7

Anin ni hanniman impahding dan hi-gak et eggak mabeingan tep inamtak e hi-gak ali dama mengapput. Insipel kun emin tep tuwak kababbaddangin Apu Dios e Eta-gey ni peteg.

Isaiah 50:9

Endi edum ni kamengi-ehneng ni hi-gak nem ebuh hi Apu Dios e Eta-gey ni peteg. Hipan hi-gayu menghel e nambahullak? Nanna-ud ni meendiddalli mengiddiklamuh ni hi-gak. Heniddalli luput ni meendi tep kinan ni tubbaybay.