Psalms 52:8 - Keley-i Bible (Antipolo Ifugao)

⁸ Hedin hi-gak ngu, man heni-ak etan ni keyew ni olibah ni tagan tu etteetteng di Tempol mu e Apu Dios. Tep nakka iddinel hu nehammad niya eleg melumman ni impeminhed mun hi-gak.

Psalms 52:8 Referans Kwoze

Psalms 1:3

Ya pambalinan ni daka pehpehding ey panyaggudan ni biyag da et henin etan ni keyew ni simmemel di gilig ni kulukul e eleg mekling niya makallameh.

Psalms 13:5

Apu Dios, nakka medinnel e nehammad hu impeminhed mun hi-gak niya nakka man-am-amleng, tep inamtak e baddangan muwak et meihwangngak di pehding idan buhul ku.

Jeremiah 11:16

Hi-gak e hi Apu Dios e Kabaelan tun emin ey heni intanem ku Judah niya Jerusalem et henidda keyew ni olibah e mateba niya makallameh. Nem yan nunya ey mei-ellig ni peellik hu na-let ni pewek ni memahbah ni hi-gada ma-lat heni mengihheb hu bulung da niya mangkephak hu pangeda. Nem hi-gada ngu kambahul ni keippahdingan tu huyyan hi-gada tep yadda lawah ni impenahding da, niya gapuh ni nengipebungetan dan hi-gak, tep in-enappitan da hi Baal e beken ni makulug ni dios.”

Psalms 147:11

Tep ya kamengippeamleng ni hi-gatu ey yadda tutu-un kamekangngu-unnud ni hi-gatu niyadda kamengiddinnel ni eleg melullumman ni impeminhed tu.

Psalms 128:3

Ya etan ahwa tu ey kamei-ellig di makallameh ni grapes ni neitnem di baley tu. Ey henidda pakeitnem ni olibah hu u-ungnga tun neamung di pengngannan da.

Psalms 33:18

Nem hedin hi Apu Dios, man tuka paka-ippaptek ida hu kamekangngu-unnud ni hi-gatu niya kamengiddinnel ni eleg melumman ni impeminhed tu.

Psalms 58:11

Et kan idallin tutu-uy “Makulug ni kayyaggud hu kapambalinin kapengu-unnudin Apu Dios niya makulug ni hi-gatu hu kamanhuwet ni katuutuu eyad puyek.”