Psalms 50:10 - Keley-i Bible (Antipolo Ifugao)

¹⁰ Tep ya kakulugan tu ey emin hu hipan kaman-a-ayyam ni wadad muyung, yadda babakkad kaheluhelun di kedunduntug,

Psalms 50:10 Referans Kwoze

Jonah 4:11

Nem lebbeng tun hehmekek ida hu tutu-ud Nineveh tep nehuluk ni hanggatut et dewampulun libudda e eleg da amta hu neiptek ni pehding da, niya dakel animal da.”

Psalms 104:14

Muka petmel hu helek ni kennen idan baka niya muka petmel hu intanem ma-lat wada pengellaan idan tutu-un kennen dan kelpuan ni elet da. Winedam mewan hu grapes ni kamekapyan meinnum ni kamengippeamleng ni tuu niya lanan olibah ni daka i-apuap di angah da ma-lat kumayyaggud hu ang-ang da.

Daniel 2:38

Impambalin dakan pan-ap-apun emin ni kebebbebley eyad puyek, anin idan sisit niyadda edum ni kaman-ayyam di puyek. Ya nan-ap-apuan mu hu neieligan nunman ni ulun balituk.

Genesis 8:17

Ibukyat mudda animal niyadda sisit et mahlag ida et medakkel ida et maihinap ida eyad puyek.”

Genesis 2:19

Hi Apu Dios ey lintu tu dedan la hu nambakbaklang ni animal niya sisit e puyek hu naltuan da. Humman idan lintu tu ey tu impeang-ang etan ni laki ma-lat ngadanan tudda. Et emin hu hipan impangngadan tun hanhakkey ni hi-gada ey humman ngadan da. Nem emin ida humman ey endi dayutun pangkadwa tun umbaddang ni hi-gatu.

Psalms 24:1

Yan eya puyek niya emin hu wadadya, yadda tuu et yadda kaman-ayyam, niyadda neitnem ey kukuwah emin Apu Dios.