Psalms 46:10 - Keley-i Bible (Antipolo Ifugao)

¹⁰ E-helan idallin Apu Dios e kantuy “Isiked yun mekihhanggan hi-gak. Nemnem yu e hi-gak ni ebuh hu Dios e Keta-ta-geyyan ni Ap-apud emin eyad puyek.”

Psalms 46:10 Referans Kwoze

Psalms 100:3

Abulut tayu e hi-gatu e Ap-Apu hu Dios. Hi-gatu hu namyuh ni hi-gatsu niya hi-gatu hu kantuun hi-gatsu. Heni itsu kalneroh ni tuka ipappattul.

Habakkuk 2:20

Nem hedin hi Apu Dios ey wadad Tempol tu. Et humman hu, emin itsun tutu-ud kebebbebley ey i-ineng itsud hinangga tu.”

Ezekiel 38:23

Huyyalli pengippeang-angan kud emin ni katuutuud kebebbebley ni kakinayyaggud ku niya kasina-gey ku. Et yallin nunman law pengamtaan da e hi-gak hu Ap-Apu.”

Sekariah 2:13

I-ineng itsun emin ni katuutuu, tep imminah hi Apu Dios di baley tu e iyallin manhuwet ni tutu-u.

Psalms 83:18

Em, ipahding mudda huyyan hi-gada ingganah ebbuluten dan hi-gam ni ebuh hu Apu, e Keta-ta-geyyan ni Dios niya Ap-apun emin eyad puyek.

Isaiah 2:17

Yan nunman ali ey mebabba-ingan ida hu tutu-un kamampahhiya niyadda manghay. Ebuh ali law hi Apu Dios ni medeyyaw ni nunman ni aggew.

Psalms 57:5

Apu Dios, peang-ang mud kabunyan e ta-pew ni puyek hu kasina-gey mu, niya peang-ang mud puyek hu dayaw mu.

1 Chronicles 29:11

Kaka medeyyaw niya et-eteng ni kabaelam, tep emin ida wadad kabunyan niyad puyek ey nalpun hi-gam. Hi-gam hu patul ni kamekangngapput niya kamedaydayaw. Kaka metbal ni peteg.

Psalms 21:13

Daka kadaydayawa e Apu Dios, tep ya kabaelan mu, niya mika ia-appeh hu amleng mid kayyaggud ni impahding mu.

Isaiah 5:16

Nem hi Apu Dios e Kabaelan tun emin ey meiddeyyaw di meandeng ni tuka panhuwet niya kameang-ang hu kakinayyaggud tun peteg di tuka pehding.

Exodus 18:11

Yan nunya ey inamtak law e hi Apu Dios hu keta-ta-geyyan nem yadda dios ni kadeyyawaddan edum ni tuu tep impaptek dakeyun tuu tu. Et ihwang dakeyud pehding idan iEgypt ni nekababbah hu daka penang-ang ni hi-gayun helag Israel e tuu tu.”

Isaiah 2:11

Medettengan ali aggew ni meibbabah ida kamampahhiyan tutu-u ma-lat hi Apu Dios dedan hu medeyyaw.

1 Kings 18:36

Nedatngan law hu tsimpuh ni kapan-appisi et mandasal hi Elijah et kantuy “Hi-gam e Ap-Apu e Dios di Abraham, hi Isaac et hi Jacob, peamtam nunya e hi-gam hu Dios di deyad Israel niya peang-ang mu e hi-gak hu bega-en mu ey emin eya impahding ku ey in-olden mu.

1 Samuel 17:46

Yan nunyan aggew ey peapput dakan Apu Dios ni hi-gak ma-lat pateyen dakan hi-gak et putulen ku ulum. Ey pekkan kuddan sisit niyadda animal hu annel idan sindalum, ma-lat amtaen ni emin ni tuud kebebbebley e makulug ni wada hu Dios ni mengippaptek idan helag Israel.

2 Kings 19:12

Binahbah idan aammed kun nunman hu bebley ni Gosan, ya Haran niya Reshep. Ey nampatey dadda iBetheden e nambebley di Telassar. Attu et inhewang idan dios da ey?

Joshua 11:6

Immehel hi Apu Dios nan Joshua e kantuy “Joshua, entan takut ni hi-gada, tep petteyen kuddan emin ni henin nunyan olas ni kabbuhhan. Pi-day muddallin emin hu kebayyu da et giheben mu kalesah da.”

Joshua 11:9

Inu-unnud Joshua hu in-olden Apu Dios et pi-dayen tudda kebayyun buhul da et giheben tudda kalesah da.

1 Samuel 2:4

Yadda nangka-let ni tuu ey lektattuy nambalin idan nekakkapuy e heniddan nahpung ni pana. Et yadda nekakkapuy hu mambalin ni neka-let. Yadda kekeddangyan lan nunman ey ida law kamekitteklan kennen da. Yadda kameuppan nunman ey eleg ida law me-puhin kennen da. Henin nunman etan biin eleg la ni pakeungnga ey pitu law u-ungnga tun nunya. Nem ya etan biin dakel u-ungnga tu ey kaumlelemyung law tep neendidda u-ungnga tu.

2 Kings 6:23

Inu-unnud etan ni patul et idaddan tu hu dakel ni kennen ni hemmulen da et han tudda paenamut. Neipalpun nunman ey insiked law ni Syria ni mengubbagubbat ni Israel.

Psalms 37:15

Nem eleg um-amnun meippahding humman, tep mehwilli et humman ni ispadah da niya paneda hu memettey ngun hi-gada.

Isaiah 2:4

Hi-gatulli law mengippennuh ni panhahallaan ni katuutuud kebebbebley. Yan nunman ali ey eleg ida law mandaddan hu kebebbebley ni mekiggubbat, tep endi law manggugubat. Pan-e-dihen dalli law hu ispadah da et kapyaen dan aledu niya pangkapyaen dalli pahul dan ewah ni panlinnih dan intanem da.

Jeremiah 49:35

Kantuy “Petteyen kuddan emin hu mapenan kaikkedhel idan bimmebley di Elam.

Ezekiel 30:8

Ey amtaen idallin iEgypt e hi-gak hu Ap-Apu ni panlelgaban kun bebley da niyan pemahbahan kuddan bebley ni kamemaddang ni hi-gada.

Ezekiel 39:3

Paggungek hu singnged mun panam et ma-gah et endi law han-ipahding mu.

Micah 4:3

Hi-gatulli law mengippennuh ni panhahallaan ni katuutuud kebebbebley ni et-eteng hu kabaelan da, neihnup winu neidawwi. Yan nunman ali ey eleg ida law mandaddan hu kebebbebley ni mekiggubbat, tep endi law manggugubat. Pan-e-dihen dalli law hu ispadah da et kapyaen dan aledu niya pangkapyaen dalli pahul dan ewah ni panlinnih dan intanem da.