Psalms 44:4 - Keley-i Bible (Antipolo Ifugao)

⁴ Hi-gam hu patul ku niya Dios ku. Impangenapput dakemin tutu-um.

Psalms 44:4 Referans Kwoze

Psalms 74:12

Apu Dios, hi-gam hu Apu mi niya patul mi meippalpu dedan ni laputu, niya hi-gam hu nengihwang ni hi-gamid emin di nanligligatan mi eyad puyek.

Psalms 42:8

Apu Dios, muka peang-ang ni kewa-wa-wa hu eleg melumman ni impeminhed mun hi-gak, et kahilehileng ey humman nakka i-ena-appeh. Ey nakka mandasal ni hi-gam e Dios kun nengidwat ni biyag ku.

Mark 9:25

Inang-ang Jesus e kaelieliddan emin hu tuud kad-an tu et kantu etan ni neihuklung ey “Hi-gam ni neihuklung hu gaputun nenganga niya netuleng eya u-ungnga, ka-kal kan hi-gatu ey entan ali law pambangngad.”

Psalms 89:18

Hi-gam e Apu Dios e kayyaggud ni peteg ni Dios idan helag Israel hu nemutuk ni patul min kamengippaptek ni hi-gami.

Mark 1:41

Himmek Jesus et kap-en tu et kantuy “Pinhed ku. Na-kal kaya law huttan ni degeh mu.”

Mark 1:31

Limmaw hi Jesus di kad-an tu et tengeden tu ngamay tu et peehneng tu. Ey pinhakkeyey na-kal hu atung ni annel tu, et ipaptek tu kennen di Jesus.

Psalms 149:2

Pan-am-amleng kayun helag Israel di Zion tep ya Dios yun nanletun hi-gayu. Em, pan-am-amleng kayu tep ya Patul yu.

Isaiah 33:22

Tep mebahbah law ida bapor da et endi silbiddan linubid ni ussalen dan mengippeta-gey niya mengippebabah ni neita-yun ni luput. Ey eleg law mebekyag ida humman ni luput. Pilliwen tayullin emin hu kinedangyan idan buhul tayu. Dakel ali kumamman ni peteg et anin idallin nedahuy et wada patal da tep hi Apu Dios hu meandeng ni huwet tayu niya hi-gatu mengidwat ni linteg tayu. Hi-gatu pampatul tayu niya hi-gatu mengihwang ni hi-gatsu.

Exodus 15:6

Hi-gam e Apu Dios ey et-eteng hu kabaelam e muka paka-apputa buhul mu.

Deuteronomy 7:8

Ya gaputun nakappinhed dakeyun Apu Dios, ey pinhed tun hi-gayu pengippeamnuan tun impakulug tuddalan aammed tayu. Humman gaputun nengihwangan dakeyun Apu Dios gapuh ni et-eteng ni kabaelan tu, et pappegen tu neihbutan yu etan ni patul di Egypt.

Deuteronomy 7:19

Ey nemnem yudda nemahhig ni ligat ni impaelin Apu Dios e Dios yun hi-gadan inang-ang yudman, yadda miracle ni impahding tu, ya nengihwangan tun hi-gayun neihbutan yu, gapuh ni et-eteng ni kabaelan tu niya elet tu. Ey bahbahen Apu Dios e Dios yu ida buhul yun nunyan yuka tattakusi henin impahding tuddan iEgypt.

Joshua 24:12

Kayu dedan kamengilli ey impatekut kudda et bumsik ida etan dewwan patul ni Amorite. Beken ni ya ispadah yu ey pana yu hu gaputun nengapputan yu.

Psalms 111:6

Impaenang-ang tu hu et-eteng ni kabaelan tun nampeneg-alan tuddan nambebley di Kanaan et ihullul tudda tuu tu.