Psalms 42:8 - Keley-i Bible (Antipolo Ifugao)

⁸ Apu Dios, muka peang-ang ni kewa-wa-wa hu eleg melumman ni impeminhed mun hi-gak, et kahilehileng ey humman nakka i-ena-appeh. Ey nakka mandasal ni hi-gam e Dios kun nengidwat ni biyag ku.

Psalms 42:8 Referans Kwoze

Psalms 149:5

Emin kayun kamengu-unnud nan Apu Dios ey pan-am-amleng kayun nengipengapputan tun hi-gayu, niya anin ni yan hileng et iena-appeh yu hu am-amleng yu.

Psalms 63:6

Anin ni nakka mambakbaktad di uggippak ni hileng et daka kanenemnema

Psalms 16:7

Nakka daydayawa hi Apu Dios, tep tuka ituttuddun hi-gak hu kayyaggud ni pehding ku. Anin ni nakka pambakbaktadin hileng et tuka penemnem ni hi-gak ida tugun tu.

Job 35:10

Nem beken ni hi Apu Dios e nanletun hi-gada hu daka pampebaddangi, anin ni hi-gatu kamenga-alluk ni tuu ma-lat dammutun man-a-appeh ida, anin ni wada ligat da.

Deuteronomy 28:8

Bendisyonan dakeyun Apu Dios et mepepennu aallang yun pagey, ey bendisyonan tun emin hu ippahding yu. Em, bendisyonan dakeyun Apu Dios e Dios yud bebley ni iddawat tun pambebleyan yu.

Psalms 133:3

Ey kamei-ellig di delnun kamelpud Duntug e Hermon ni kamenennum idan duntug di Zion. Yadman hu nanghelan Apu Dios ni bendisyon tu e humman hu biyag ni endi pappeg tu.

Colossians 3:3

Tep ya etan neitu-wan tayu ngu dedan ey heni nekiketey nan Jesus Christo, et mehullulan ni baluh ni neitu-wan tayu, et ya biyag yu ey wada law ni hi-gatud kad-an Apu Dios.

Acts 16:25

Yan gawan hileng ey nandasal di Paul nan Silas ey nan-a-appeh idan penaydayaw dan Apu Dios ey kadeddengeladdan edum ni neikelabut.

Matthew 8:8

Nem hinumang etan ni ap-apu et kantuy “Apu, nakka umbaing ni hehgepan mud baley mi. Anin ni muka ehelan ebuh et inamtak e me-kal degeh tu.

Psalms 44:4

Hi-gam hu patul ku niya Dios ku. Impangenapput dakemin tutu-um.

Isaiah 30:29

Nem hi-gayun tutu-un Apu Dios, ey man-am-amleng kayulli niya man-a-appeh kayu, henin yuka pan-am-amlengin piyestah yun hileng. Man-am-amleng kayullin henin amleng yun yuka pengippatnuliddan ingngiing yun yuka lawwid Tempol Apu Dios e nengihwang ni hi-gatsun helag Israel.

Psalms 77:6

e nakka um-ena-appeh ni hileng tep ya amleng ku, man kangkud nemnem kuy

Psalms 57:3

Et nakka medinnel ni dedngelen mud kabunyan e kad-an mu hu dasal ku, et ihwang muwak idad buhul ku et meibbabaing ida. Tep hi-gam e Dios ku, ey muka pannananeng hu eleg melumman ni impeminhed mu niya muka pemaptek ni hi-gak.

Psalms 27:1

Hi Apu Dios hu kamei-ellig ni dilag ku. Hi-gatu hu kamenellaknib niya kamengippaptek ni hi-gak, et humman hu, endi nak tekkutan.

Psalms 32:7

Hi-gam e Apu Dios hu makulug ni nakka keihhikkugi, tep hi-gam hu nakka iddinel ni mengihwang ni hi-gak di hipan lawah ni kamekapkapya. Et mukun nakka i-ena-appeh hu nengihwangam ni hi-gak.

Leviticus 25:21

Heninnuy humang nuntan: ‘Panyaggud kulli ittanem yun meikka-nem ni toon et dakel hu ennien yu ma-lat mandammun kennen yun tellun toon.

2 Samuel 22:5

Lawah hu neipenahding ni hi-gak, et humman hu, kenayun ni nakka hanghanggaa hu ketteyyan ku et heni kamanhehhegged hu kulung ni hi-gak.

Psalms 88:8

Hi-gam hu himmulun et pan-inhihi-yanan da-ak idan gagayyum ku et eleg dan hekey pinhed ni meihnup ni hi-gak. Ey heni-ak nakna et eleggak pakabsik.

Psalms 124:4

et heni daitsu in-anud ni nedakkel ni danum di wangwang et malsing itsu.

Jonah 2:4

Kangku ngu nem impea-allaw muwak di kad-an mu et endilli law hu nak penang-angan ni Tempol ni muka panhahha-adi.