Psalms 34:13 - Keley-i Bible (Antipolo Ifugao)

¹³ man helipat-i yu et beken ni ya lawah niya itek hu yu e-e-helen.

Psalms 34:13 Referans Kwoze

Psalms 141:3

Apu Dios, baddangi muwak et pepuhdanan ku ni hannak immehel ma-lat beken ni ya nalgem hu nak heppiten.

Proverbs 21:23

Ya etan tuun eleg tu pinhed ni mekibbekkal ey tuka pekannemnema ni han immehel.

1 Peter 2:22

Nem eleg manliwat niya eleg man-itek, nem nanlelehhanan tu.

James 1:26

Ya etan tuun kamenghel ni kantuy kamengullug, nem lawah hu tuka e-e-hela, ey nehaul humman ni tuu. Endi silbin tuka pengullug.

Colossians 3:9

niya entan tu i-itteki edum yu, tep inwaklin yudda law humman ni lawah ni elaw

James 1:19

Hi-gayuddan agik ni kamengullug, dengel yu eya e-helen ku. Ilillingisi tayun mengngel ni kayyaggud, beken ni tayu lellelgemen ni umhapit, niya entan pengimbubunget.

James 3:2

Hi-gatsun tuu ey wadan wada tayu kakeihhallai. Nem hedin wada tuun hangkekkenneng tu hu bungut tu et endi meihlan e-helen tu ey dammutu daman hangkekkenneng tun emin hu pehpehding tu.

Proverbs 13:3

Ya etan tuun tuka kekkennenga e-helen tu ey andukkey biyag tu, nem ya etan tuun eleg tu kekkennenga tuka e-hela ey bahbahen tu neitu-wan tu.

Proverbs 12:22

Anggebe-hel Apu Dios ida makallangkak ni tuu, nem kapeamleng idan kamengippahding ni daka e-hela.

Proverbs 12:19

Hedin neamtaan e itek hu inhel ni hakey ni tuu, man endi law mengullug ni hi-gatu. Nem ya etan tuun makulug tuka e-hela ey kullugen ni tuun ingganah.

Psalms 39:1

Kangkud annel kuy “Hellipat-an ku et eggak maihelaut ni mengippahding ni lawah niya ma-lat endi nak e-helen ni pambehhulan ku. Ey hellipat-an ku ma-lat anin ni pekdag ku eneeneng hedin wadadda lawah ni tuu.”

1 Peter 2:1

Et humman hu, ya pehding yu tep ay wada law ni hi-gayu hu baluh ni biyag, ey mahapul ni issiked yun mengapkapyan lawah. Entan panlangkak yu, entan tu hingkukkulugin Jesus, entan tu kaemehi edum yu niya entan tu tenumbuk edum yun tuu.

Proverbs 18:21

Hin-addum ni ya kae-helan hakey ni tuu hu kaumhulun ni ketteyyan tu winu eleg tu ketteyi. Et humman hu, hedin mahlu kan um-eheehel, ey pepuhdanim e-helem tep heltapem ali hu pambalinan ni muka e-e-hela.

Proverbs 19:9

Ya etan tuun mantistigun itek ey nanna-ud ni mekastigu.

Psalms 55:11

Anin ni attu lawwan eyad bebley et immen ida mangkabunget niya mangkaheul ni tuu.

Isaiah 63:8

Kan Apu Dios ey “Tutu-uk ida, et nanna-ud ni eleg da-ak he-ulan hi-gada.” Humman nengihwangan tuddad emin di nanhelheltapan da, tep ya hemek tu niya impeminhed tun hi-gada. Hi-gatu nandudug ni nengihwang ni hi-gada e beken ni ya anghel tu. Anin dedan ni nunman et impenaptek tudda.

Proverbs 12:7

Yadda lawah ni tuu ey ida kamebahbah et meendidda eyad puyek. Nem yadda kayyaggud ni tuu ey nanengtun mehlag hu helag da.

Job 15:13

Inwalleng mu hi Apu Dios et deh e lawah eya muka pan-e-helan hi-gatu tep bimmunget ka.

Amos 5:14

Ittugun kun hi-gayu e ya kayyaggud hu ipahding yu, beken ni yadda lawah, ma-lat tumegu kayu niya ma-lat umamnu hu kanyun i-ehneng dakeyun Apu Dios e Kabaelan tun emin.