Psalms 33:1 - Keley-i Bible (Antipolo Ifugao)

¹ Emin itsun makulug ni kamengu-unnud nan Apu Dios ey ihaldet tayun man-a-appeh ni penaydayaw tayun hi-gatu gapuh ni am-amleng tayu, tep humman dedan lebbengtun pehding tayu.

Psalms 33:1 Referans Kwoze

Psalms 32:11

Hi-gayuddan tuun kayaggud elaw dan daka paka-u-unnuda hi Apu Dios, pan-am-amleng kayu ey pantetekkuk kayu gapuh ni an-anla yu, tep ya impahpahding tun hi-gayu.

Philippians 4:4

Pinhed kun meweddan ingganah ni hi-gayu hu amleng tep ya neiegian tayun Jesus Christo. Ippidwak ni e-helen e pan-am-amleng kayun emin.

Psalms 147:1

Daydayaw tayu hi Apu Dios! Em, kayyaggud hedin man-a-appeh itsun penaydayaw tayun Dios tayu, tep humman dedan hu lebbengtun pehding tayu.

Psalms 118:15

Kamedngel hu a-appeh ni kapan-an-anlaiddan neamung ni tutu-un kamengu-unnud nan Apu Dios. Daka i-ena-appeh e kanday “Hi Apu Dios e et-eteng kabaelan tu hu nengipengapput ni hi-gatsu.”

Psalms 97:12

Et humman hu, pan-am-amleng kayun kayyaggud elaw tu niya daydayaw yu hi Apu Dios e kayyaggud ni peteg.

Proverbs 15:8

Kaum-amleng hi Apu Dios ni dasal idan kayyaggud ni tuu, nem anggebe-hel tu kai-appit idan lawah ni tuu.

Psalms 135:3

Daydayaw tayu hi Apu Dios tep ya kakinayyaggud tu niya iena-appeh tayu hu penaydayaw tayun ngadan tu tep ya binabbal tu.

Romans 3:10

Huyya ey na-hel etan di neitudek ni ehel Apu Dios e kantuy “Endi tuun kayyaggud di kapenang-ang Apu Dios, anin hakey.

Romans 5:19

Ey gapuh ni eleg pengu-unnudan Adam nan Apu Dios, ey neliwtan itsun emin, tep bineltan tayu hu kalinawah tu. Nem gapuh ni nengu-unnudan Jesus nan Apu Dios ey humman hu pengibbillangan daitsun Apu Dios ni kayyaggud, hedin kullugen tayu hi Jesus.