Psalms 32:9 - Keley-i Bible (Antipolo Ifugao)

⁹ Et humman hu, pengu-unnud kayu et beken kayun henin kebayyu e pakkaw ni pekemmalan ni gumek et han mengu-unnud.”

Psalms 32:9 Referans Kwoze

Proverbs 26:3

Ya penuttuddun kebayyu ey ya heplit niya ya gumek ni kapekemmal. Hanniman dama e ya heplat hu penuttuddu etan ni tuun endi nemnem tu e eleg tu nemnema ni impahding tu pehding tu.

Jeremiah 4:22

Kan Apu Dios ey “Kele anhan endi nemnem idan tutu-uk? Eleg da-ak law amtan hi-gada. Henidda u-ungngan eleg da amta kayyaggud ni pehding da. Nelaing ida kumamman ni mengippahding ni lawah, nem endi inamta dan meippanggep ni kayyaggud.”

Job 35:11

Em, eleg ida mampebaddang ni hi-gatu e nengidwat ni kalinaing da et eta-ta-gey ida nem yadda sisit niyadda animal.

James 3:3

Henin kebayyu e hedin ihha-ad gumek ni kapekemmal di bungut tu, et anin attu pengippelawwan etan ni nantakkay et tuka u-unnuda, tep ya etan gumek ni neiha-ad di bungut tu.

Jeremiah 31:18

Immehel mewan hi Apu Dios ey kantuy “Dingngel ku ehel idan kaumlelemyung ni helag Israel. Kanday ‘Heni kami etan ni eleg memansuh ni newang. Nem gapuh ni nemahhig ni nanmansuh mun hi-gami ey netuttudduan kamin mengu-unnud ni hi-gam. Pambangngad dakemin mengu-unnud ni hi-gam e Ap-Apu e Dios mi et mandaddan kamin mengippahding ni pinhed mu.

Job 30:11

Henin nunya law daka pehpehding ni hi-gak tep impambalin tuwak nan Apu Dios ni endi elet ku niya endi kabaelan ku.

Job 41:13

Ey endi tuun dammutun an memi-ki winu menwik ni belat tu.