Psalms 19:12 - Keley-i Bible (Antipolo Ifugao)

¹² Hedin ya tuu, man eleg tu amta hedin kameihla hu tuka pehding. Et humman hu, liwwan mu anhan e Apu Dios hedin wada ngullaw hu neihlan impahding kun eggak amta.

Psalms 19:12 Referans Kwoze

Psalms 90:8

Amtam ni emin hu hipan liwat mi. Anin idan liwat min endi nengamta et inamtam.

Job 6:24

Ehel yu et dengelen ku hedin hipa nambahulan ku et pamegak i-ineng.

Jeremiah 17:9

Ya nemnem ni tuu ey kaumhaul ni peteg niya eleg mebellin ni mehullulan elaw tu. Endi tuun han-awat tu humman.

Psalms 40:12

Nem yan nunya ey nemahhig hu ligat ku niya liwat ku e eggak hambilang, tep daddakkel ida nem yadda bewek ku. Mukun medismayahhak ni peteg. Et eggak amta pehding kun meihwang.

1 Corinthians 4:4

Anin ni ya nakka pannemnem ey endi neihallan impahding ku, et eleg ku amta hedin humman hu kapannemnem Apu Dios ni hi-gak. Hi-gatun ebuh hu nengamta hedin neiptek winu neihla hu nakka pehding.

1 John 1:7

Nem hedin ya etan kakkayyaggud ni pinhed Apu Dios hu tayu kapehpehding henin kakinayyaggud tu, man kayyaggud hu pandadagyuman tayun kamengullug et me-kal liwat tayu niya baddangan daitsun Apu Dios ni eleg manliwwat tep ya neteyyan Jesus Christo e U-ungnga tu.

Hebrews 9:7

Nem hedin ya etan di neikadwan kuwaltuh ey ebuh hu eta-gey ni padin kaumhegep, nem pinhakkey ni ebuh ni hantoon hu tuka hehgepid man. Hedin umhegep diman ey mahapul ni um-ilaw ni kuheyaw ni animal ni i-appit tun Apu Dios et tu iwakgih di hu-keb etan ni Kaban et wada inna-nun ke-kalan ni liwat tu niya liwat idan edum tun tuu.

Psalms 139:6

Huttan ni nengamtaan mun emin ni meippanggep ni hi-gak ey eggak ni hekey han-awat.

Isaiah 64:6

Emin kami ey nekalliwtan kami. Anin idan kammin kayyaggud ni mika pehding et lawah ida. Et umhulun hu liwat mi ey heni kami bulung ni nakpit ni intayab ni dibdib.

Psalms 139:2

Emin hu nakka pehpehding ey inamtam niya anin ni edawwi kan peteg et inamtam hu wadad nemnem ku.

Psalms 51:2

Ekal mun emin hu lawah di neitu-wan ku et heni muwak inulahan.

Psalms 65:3

Nekalliwtan kami, nem dakemi kapessinsahid hipan impahding mi.

Exodus 24:12

Entanni ey kan mewan Apu Dios nan Moses ey “Panteyed kalli eyad duntug ni kad-an ku et idwat kun hi-gam etan dewwan batun neitudkan idan Tugun kun u-unnuden idan helag Israel.”

Deuteronomy 5:29

Hedin hanniman et anhan hu pannemnem da ey deyyawen da-ak ali niya u-unnuden dan ingganah tugun ku, ey kayyaggud alin ingganah hu meippahding ni hi-gada et yadda helag da.

Deuteronomy 5:32

Et humman hu, hi-gayun helag Israel ey ang-ang yu et u-unnuden yun emin hu intugun Apu Dios e Dios yu. Entan tu ipengil, anin ni hakey ni tugun tu.

Proverbs 13:13

Ya etan tuun tuka ngenghaya tugun ey nanna-ud ni mewedda ligat tu. Nem ya etan tuun tuka u-unnuda tugun ey meihwang di lawah ni meippahding.