Psalms 18:32 - Keley-i Bible (Antipolo Ifugao)

³² Hi-gam hu kakelpuin elet ku ey hi-gam kaumbaddang ni hi-gak ni pengippahdingan kun kayyaggud.

Psalms 18:32 Referans Kwoze

2 Corinthians 3:5

Beken ni kan miy nalpun hi-gami hu kabaelan min mengippahding ni nunyan ngunu, nem hi Apu Dios hu nalpuan ni kabaelan mi.

Isaiah 45:5

Hi-gak hu Apu Dios, endi edum ni Dios hedin beken ni hi-gak ni ebuh. Iddawat ku et-eteng ni kabaelam ni mahapul mu, anin ni eleg muwak amta.

Psalms 28:7

Hi Apu Dios hu kamengippaptek niya kamengi-ehneng ni hi-gak. Hi-gatun ebuh hu nakka iddinel. Tuwak kabaddangi niya tuwak kapeamleng, et humman hu, nakka ia-appeh hu nakka penaydayaw ni hi-gatu.

2 Samuel 22:33

Hi-gam hu nehammad ni nakka keihhikkugi niya hi-gam kaumbaddang ni hi-gak ni pengippahdingan kun kayyaggud.

Psalms 91:2

ey dammutun kantuy “Apu e Dios ku, ngenamung kan mengippaptek niya mengihwang ni hi-gak di lawah, tep hi-gam ni ebuh hu nakka iddinel.”

Psalms 93:1

Hi Apu Dios hu patul. Kamedeyyaw ni peteg niya et-eteng hu kabaelan tu. Inhammad tun ingkapya hu puyek di nengiktuan tu.

1 Samuel 19:8

Entanni ey immalidda mewan sindalud Pilistia ni umgubat et makigubat di David et yadda sindalun Israel ni hi-gada. Nemahhig impahding di David ni nekigubat ni hi-gada et bumsik idan emin hu sindalun iPilistia.

Isaiah 44:8

Entan takut yu e tutu-uk. Inamta yu e neipalpu dedan lan nebayag ingganah nunya ey inhel ku hedin hipa meippahding, niya hi-gayu tistiguk. Kaw wada edum ni dios? Endi. Ey endi edum ni heni batun keihhikkugan yu hedin beken ni hi-gak ni ebuh.”