Psalms 18:15 - Keley-i Bible (Antipolo Ifugao)

¹⁵ Ey gapuh ni nemahhig ni bunget tuddan buhul tu ey nebudihan hu dalinat ni baybay et ya sinuunan eyan puyek.

Psalms 18:15 Referans Kwoze

Psalms 106:9

Minandal tu hu Madlang ni Baybay et matduk et ipengulu tudda tutu-u tun nan-agwat di mamega.

Exodus 15:8

Inheb-uk mud baybay ey negedwa hu danum e heni natneng et ay heni nedingding et mabudihan hu mamegan puyek di dalinat ni baybay.

Micah 6:2

Hi-gayun kedunduntug ni nehammad ni neipeyudungan ni puyek, dengel yu hu lilih kuddan tutu-uk ni helag Israel et hi-gayu tistiguk, tep makulug ni nemahhig hu liwat dan hi-gak.

Jeremiah 31:37

Eleg mabalin ni lelkuden ni tuu hu kabunyan niya eleg mabalin ni ang-angen ni tuu hu neituunan ni puyek. Henin nunman ni hi-gak e eleg mabalin ni nak iwwalleng ida tuuk, anin lawah impahding da. Hi-gak e hi Apu Dios hu nanghel nunya.”

Psalms 104:5

Inhammad mu hu sinuunan eyan puyek et eleg meglid.

Psalms 76:6

Emin ida etan kebayyu niyadda nampantakkay ey nealay nangketukkad ida et matey idan nengibungetam ni hi-gada e Dios idan helag Jacob.

Job 4:9

Ey kabahbahan Apu Dios ni bunget tu hu hanniman ni tuu.

2 Samuel 22:16

Ey gapuh ni nemahhig ni bunget tuddan buhul tu ey nebudihan hu dalinat ni baybay niya sinuunan eyan puyek.

Psalms 74:15

Winedam ida hebwak niyadda kulukul. Ey sinduk mudda etta-teng ni wangwang.

2 Kings 19:7

Tep pedngel kullin nunman ni patul hu kae-ehheladdan tutu-ud bebley tu, et humman alin dedngelen tu umhulun ni pambangngadan tud bebley da et hannak ali papetey diman.’”

Jonah 2:6

Nalnengngak di nandallem di hengeg ni heni duntug di baybay et kangku ngu nem mena-yunnak ni heni meikkellabut diman. Nem himmek muwak et ihwang muwak, e Apu e Dios ku.

Isaiah 11:4

Nem meandeng ali panhuwet tuddan nangkewetwet niya i-ehneng tu kelebbengan idan endi kabaelan da. Hedin mammandal, man mekastigudda kamengippahding ni lawah niya pepettey tudda hu lebbeng dan meippepettey.

Isaiah 30:33

Yan nunman dedan ni nebayag, ey wada neidaddan ni et-eteng ni pan-eppuyan e Tophet hu ngadan tun pengihheban dan patul ni Assyria. Humman ey edallem ey mahkang ni neku-kuan ni nengipu-ulan dan dakel ni keyew. Yayyahan alin Apu Dios ni apuy et umtebel.

1 Samuel 7:10

Heninnuy hu impahding Apu Dios ni nemaddangan tun hi-gada: Yan nunman ni kapan-i-appit Samuel etan gihheben tun i-appit tun Apu Dios, ey neihnup ida law hu iPilistia ni mengubbat ni hi-gada. Nem endi maptek ey impakidul Apu Dios ni na-let et mabukal ida iPilistia gapuh ni takut da et legemen da besik.

Job 36:32

Tuka peelli kedyam niya ngenamung tun pinhed tun pengippelawwan.

Psalms 77:18

Hedin kimmidul et kamangkekedyam, man kamebnangi hu puyek niya kabunyan niya kamanyegyeg di puyek.

Psalms 92:10

Nem hedin hi-gak, man impambalin muwak ni na-let e henin bakad muyung, niya indawtan muwak ni panyaggudan ku et man-am-amlengngak.

Psalms 144:6

Paelim hu kedyam et mawehit ida buhul mu niya pampanam ida et mamsik ida.

Sekariah 9:14

Mampeang-ang ali hi Apu Dios di ahpat idan tutu-u tu. Henilli kedyam hu panetun kamenglaw. Petnul alin Apu Dios e Eta-gey ni peteg hu tangguyup tu niya henilli na-let ni alipuhhapuh ni melpud south.