Psalms 18:13 - Keley-i Bible (Antipolo Ifugao)

¹³ Entanni ey immehel alid kabunyan hi Apu Dios e Keta-ta-geyyan ey heni kidul hu ehel tu.

Psalms 18:13 Referans Kwoze

Psalms 104:7

Minandal mudda humman ni danum et dengelen da hu heni kidul ni tekuk mu ey inu-unnud da et manglaw ida.

1 Samuel 7:10

Heninnuy hu impahding Apu Dios ni nemaddangan tun hi-gada: Yan nunman ni kapan-i-appit Samuel etan gihheben tun i-appit tun Apu Dios, ey neihnup ida law hu iPilistia ni mengubbat ni hi-gada. Nem endi maptek ey impakidul Apu Dios ni na-let et mabukal ida iPilistia gapuh ni takut da et legemen da besik.

Psalms 140:10

Pan-egah mu hu ngalab di ulu da niya ibbeng muddad kamantettebbel ni apuy winu yad edallem ni bitu, et anin ni mena-yun idadman.

Revelation 19:6

Wada mewan dingngel kun ehel idan dakel ni tuu e heni na-let ni bungug ni kamampey-uk ni danum niya heni bungug ni na-let ni kidul e kanday “Daydayaw tayu hi Apu Dios. Tep hi Apu tayu e Han-ipahding tun emin ey hi-gatu Ap-apun emin.

Revelation 8:5

Entanni ey inla etan ni anghel hu pengiggihheban ni insensoh et ha-adan tun apuy ni nalpud altar et bekahen tud puyek ey kamangkikidul niya kamangkekedyam niya nanyegyeg ni na-let.

Revelation 4:5

Entanni ey wadalli nalpu etan di yuddungngan ni ap-apud kabunyan ni kedyam, ya na-let ni bungug niya na-let ni kidul. Wada mewan pitun dilag ni kamantettebbel di hinanggan yuddungngan ni ap-apu e humman ida immatun ni Ispirituh Apu Dios e wada pitun kabaelan tu.

John 12:29

Dingngel idan neamung ey kan idan edum ey kidul humman. Yadda edum ey kanday anghel ni nekiungbal nan Jesus.

Habakkuk 3:5

Tuka peelli degeh ni minandal tu katey ni meittu-nud.

Ezekiel 10:5

Kamedngel di nengin-ahpat ni dallin ni Tempol hu bungug ni payak idan epat ni anghel e heni ehel Apu Dios e Kabaelan tun emin.

Psalms 78:48

Nangketey ida babakka da niya pintey ni kedyam ida edum ni animal da.

Job 40:9

Kaw neiingngeh hu elet mud elet ku? Kaw heni kidul hu ehel mu henin ehel ku?

Deuteronomy 32:24

Ey peellik hu nemahhig ni bisil et matey idan upeda, ey mettey ida gapuh ni nemahhig ni atung ni annel da niya gapuh ni degeh ni umpatey. Peellik pay hu anggetakkut ni ma-lem ni animal ni kamengngan ni tuu. Ey peellik pay hu anggetakkut ni uleg.

Exodus 20:18

Yan nangngelan idan tuu etan ni kidul et ya etan na-let ni tenul ni tangguyup, niya nenang-angan dan nemahhig ni kedyam niya etan kaman-aahuk ni duntug ey ida kamanggegeygey ni takut da et uma-allaw ida.

Exodus 9:24

Nemahhig hu dallallu niya kedyam e anggetakkut ni peteg. Ey endi henin nunman di Egypt neipalpun nekapyaan nunman ni bebley.

Joshua 10:11

Ida kamemsik hu edum ni Amorite e ida kamandayyu ma-lat ibsikan dadda helag Israel, ey nan-egah Apu Dios hu etta-teng ni dallallun hi-gada ingganah di Asekah. Et daddakkel hu netey ni hi-gadan na-gahan ni dallallu nem yadda pintey idan helag Israel.

Psalms 11:6

Et humman hu, peelli tulli hu kamantetebbel ni apuy niya maka-atung ni dibdib etan idad lawah ni tutu-u et kastiguen tudda.