Psalms 149:9 - Keley-i Bible (Antipolo Ifugao)

⁹ Kastigu yudda katuutuud kebebbebley, tep humman hu inhel Apu Dios ni pehding yun hi-gada. Huyya hu keidaydayawan idan tutu-u tun kamengu-unnud ni hi-gatu. Daydayaw tayu hi Apu Dios!

Psalms 149:9 Referans Kwoze

Psalms 148:14

Pinutuk Apu Dios hu pampatul idan tutu-u tun helag Israel. Et humman hu, lebbengtun daydayawen idan emin ni kamengu-unnud ni hi-gatu. Em, lebbengtun daydayawen idan helag Israel e tutu-u tun nakappinhed tu. Daydayaw tayu hi Apu Dios!

Psalms 137:8

Hi-gayuddan tutu-ud Babilon ey mekabbahbah kayulli. Man-am-amleng ali hu tuun mengibleh ni impahding yun hi-gami.

Revelation 3:21

Yaddalli etan tuun pannananeng dan ebuh hu kayyaggud ni pehpehding da ey iddawat kun hi-gada hu kelebbengan dan mekiyyuddung di nengipeyudungan tuwak nan Apu Dios ni man-ap-apu, tep inapput ku dama hi Satanas tep ebuh kayyaggud ni inenu-unnud ku.

Ezekiel 28:26

Et mampemehwat idallin baballey dad Israel niya pantaneman dadda pupuyyek da. Melinggep idalli law ni mambebley di diman, tep kastiguek ida dinagsi dan kamemippihul ni hi-gada. Yan nunman ali law pengamtaan idan helag Israel e hi-gak hi Apu Dios e Dios da.”

Deuteronomy 32:41

e ta-liden ku hu ispadah ku, et pan-itwik ku et ibleh ku hu impahding idan buhul kun anggebe-hel da-ak.

Micah 5:14

Pan-e-kalek ali impeehneng yun i-ingngeh ni dios yu e hi Asherah niya bahbahek ida bebley yu.