Psalms 149:4 - Keley-i Bible (Antipolo Ifugao)

⁴ Tep hedin hi Apu Dios, man yadda tutu-u tu hu kamengippeamleng ni hi-gatu, niya tudda kapengapput ida tutu-u tun daka pebabah annel da.

Psalms 149:4 Referans Kwoze

Psalms 147:11

Tep ya kamengippeamleng ni hi-gatu ey yadda tutu-un kamekangngu-unnud ni hi-gatu niyadda kamengiddinnel ni eleg melullumman ni impeminhed tu.

1 Peter 3:4

Tep ya kaibbilang Apu Dios ni nebalol ey ya kakinayyaggud ni nemnem, ya binabbal, niya ingkatuun tuu, tep huyyadda hu heni hubeng ni eleg melumman.

Psalms 35:27

Nem peamleng mudda etan kamengi-ehneng ni hi-gak di hipan kapebehhul idan buhul kun hi-gak ma-lat itekkutekkuk da e kanday “Meiddaydayaw hi Apu Dios, tep kaum-amleng ni mengippeyaggud idan bega-en tu.”

Psalms 132:16

Ey bendisyonan kudda padidya ma-lat wada kabaelan dan mengippeamtaddan tutu-u meippanggep ni pengihwangan kun hi-gada. Ey emin idalli hu katuutuudya ey um-ena-appeh idan an-anla da.

Psalms 22:8

e kanday “Tam kammu mewan ey hi Apu Dios hu muka iddinel. Nem tamey eleg um-ali et ihwang daka? Ey kele eleg daka baddangi hedin makulug ni nakappinhed daka?”

Sephaniah 3:17

Tep immali hi Apu Dios e Dios yun mekihha-ad ni hi-gayu. Et-eteng kabaelan tun mengihwang ni hi-gayu. Man-am-amleng alin peteg tep hi-gayu. Endien tullin emin takut yu tep ya impeminhed tun hi-gayu niya ia-appeh tu hu amleng tun hi-gayu.”

Jeremiah 32:41

Nakka um-amleng ni mengippahding ni panyaggudan da ey pannenneng kuddan mambebley di deya.

Psalms 117:2

tep eleg melumman hu impeminhed tun hi-gatsu niya kamannananeng hu tuka pemaptek ni hi-gatsu. Daydayaw tayu hi Apu Dios!

Isaiah 61:10

Nakka man-am-amleng tep ya impahding Apu Dios e Dios kun panyaggudak. Inhewang tuwak niya imbilang tuwak ni kayyaggud. Heni-ak etan ni lakin nambalwasin balwasin mangkasal niya heni-ak biin nanggamgam ni aggew ni kasal tu.

Proverbs 11:20

Hi Apu Dios ey anggebe-hel tudda tuun lawah nemnem da, nem kamengippeamleng ni hi-gatu hu tutu-un kayyaggud daka pehding.

Psalms 90:17

Apu e Dios mi, ya kayyaggud kumaddan ey pannananeng mu hu kakinayyaggud mun hi-gami ma-lat emin hu pehding mi ey kayyaggud hu pambalinan tu.

1 Peter 5:5

Hi-gayuddan lalakkin kamampenikken ey mahapul ni u-unnuden yudda peppengngulwan yu. Emin kayun kamengullug ey pebabah yu annel yu ey pan-imbabaddang kayu, tep neitudek di ehel Apu Dios e kantuy “Anggebe-hel idan Apu Dios hu tuun kamampahhiyya, nem pekabbaddangan tudda etan tuun daka pebabah annel da.”

Hebrews 12:10

Hedin ya ametayud puyek, ey sinugun daitsun amta dan kayyaggud ni penuggun dan hi-gatsun ekaglang tayu. Nem hedin hi Ametayud kabunyan, man daitsu katuggunan panyaggudan tayu ma-lat kaila-kaman tayud kakinayyaggud tu.

Revelation 7:14

Ey kangkuy “Apu, hi-gam nengamtan hi-gada, eggak ida ngu amta.” Et kantun hi-gak ey “Huyyadda etan tuun nehelakniban eman ni nemahhig hu nepalpaligatan ni tuu. Mangkablah hu balwasi da tep imbalbal dad kuheyaw etan ni Impah ni Kalneroh.

Song of Songs 1:11

Iddawtan dakan balituk ni betling ni neal-alkusan ni silber ma-lat nema-man kakkayyaggud ang-ang mu.”