Psalms 149:1 - Keley-i Bible (Antipolo Ifugao)

¹ Daydayaw tayu hi Apu Dios! Ia-appehi tayun baluh ni a-appeh ni penaydayaw tayun hi-gatu di tayu kakeemmuemmungin tutu-u tun nanengtun kamengu-unnud ni hi-gatu.

Psalms 149:1 Referans Kwoze

Psalms 33:3

Itkuk tayu an-anla tayu et ia-appehan tayu hi Apu Dios ni baluh ni a-appeh ni tayu kapenaydayaw ni hi-gatu. Ey panggitalah itsun mei-unnud di a-appeh tayu.

Revelation 5:9

Et ia-appeh da eya baluh ni a-appeh e kanday “Hi-gam hu wada kelebbengan tun mengella etan ni neludun ni papil ma-lat ekalen mu hu peket tu tep ya nemateyan daka hu neneklaan mun liwat idan tutu-ud kebebbebley e nambakbaklang hu nahlagan da, ya ehel da niya neitu-wan da et nambalin ida law ni tuun Apu Dios.

Hebrews 2:12

Neiingngeh huyya etan di neitudek ni ehel Apu Dios e kan Jesus ni hi-gatuy “Peamtak idan aaggik hu meippanggep ni hi-gam e Apu Dios. Ey daydayawen dakad kakeemmuemmungiddan tutu-um.”

Psalms 148:1

Daydayaw tayu hi Apu Dios! Em, emin kayun wadad kabunyan ey daydayaw yu hi Apu Dios.

Psalms 98:1

Ia-appehi tayu hi Apu Dios ni baluh ni a-appeh, tep kayyaggud hu impenahding tun hi-gatsu. Ey naka-apput tudda buhul tu tep ya kabaelan tu niya kakinayyaggud tu.

Isaiah 42:10

Pan-a-appeh kayun baluh ni a-appeh ni penaydayaw yun Apu Dios, hi-gayun emin ni wadad kebebbebley eyad puyek, anin ni hi-gayuddan kamampambapor, hi-gayun emin ni wadad baybay niya hi-gayuddan wadad nangkeidawwin bebley.

Psalms 144:9

Apu Dios, manggitalahhak niya man-a-appehhak ni baluh ni a-appeh ni penaydayaw kun hi-gam.

Psalms 116:18

Emin ida etan insapatah kun Apu Dios ni pehding ku ey peamnuk di hinanggaddan tutu-u tun kameemmuemmung di Tempol tud Jerusalem. Daydayaw tayu hi Apu Dios!

Psalms 68:26

Emin itsun helag Israel ey daydayaw tayu hu Ap-Apu e Dios di tayu kakeemmuemmungi.

Psalms 22:25

Apu Dios, daydayawen dakan hi-gak ey peamnuk hu inhel ku e i-appitan dakad kakeemmungiddan kamengu-unnud ni kamenaydayaw ni hi-gam.

Psalms 22:22

Peamtak idan aaggik hu meippanggep ni hi-gam e Apu Dios. Ey daydayawen dakad kakeemmuemmungiddan tutu-um.

Psalms 89:5

Anin idan wadad kabunyan, heniddan anghel et daka i-ena-appeh hu daka penaydayaw ni hi-gam e Apu, tep yadda etan kaketngain tuun muka pehpehding ni ya kamannananeng ni muka pemaptek.

Psalms 96:1

Emin itsun katuutuud kebebbebley ey iena-appeh tayu hu baluh ni a-appeh ni penaydayaw tayun Apu Dios.

Psalms 111:1

Daydayaw tayu hi Apu Dios! Mansalamattak nan Apu Dios di kakeemmungiddan tutu-u tun kamekangngu-unnud ni hi-gatu.

Psalms 35:18

ma-lat wada inna-nu tun pansalamatan ku niya penaydayawan kun hi-gam di hinanggaddan tuun kamengu-unnud ni hi-gam.