Psalms 148:4 - Keley-i Bible (Antipolo Ifugao)

⁴ Ey anin daman hi-gam e kabunyan ni wadad eta-gey niya hi-gayun danum ni wadadtan, et daydayaw yu hi Apu Dios.

Psalms 148:4 Referans Kwoze

1 Kings 8:27

Nem kaw makulug, e Apu Dios ni manha-ad ka eyad puyek? Mahkang ni peteg hu kabunyan, nem eleg um-ustuh ni panha-adam, et nema-ma ngun ek-eket ni peteg eya Tempol ni binehwat ku.

Deuteronomy 10:14

Hi Apu Dios e Dios tayu ey kukuwah tu kabunyan ya puyek niya emin hu wadadman.

Nehemiah 9:6

Apu Dios, hi-gam ni ebuh Ap-Apu. Hi-gam nanletun kabunyan ey emin hu wadadman. Hi-gam mewan nanletun puyek, ya baybay et ya emin hu hipan wadadman. Indawat mu biyag emin ni mategu ey emin ida anghel di kabunyan ey daka kadaydayawa.

2 Corinthians 12:2

Wada etan hakey ni tuun kamengu-unnud nan Jesus ni inang-ang kun limmaw di kabunyan ni nekemtang. Hampulut epat ni toon law hu nelabah ni neipahdingan tu humman. Eggak amta hedin ya annel tu hu limmaw winu ya linnawetun ebuh. Hi Apu Dios ni ebuh hu nengamta.

Psalms 113:6

nem kamanyu-ung et tuka uh-uhdungi hu kabunyan niya puyek.

Psalms 104:3

Binehwat mu hu baley mud kad-an idan kulput ni kakelpuin udan. Ey heni muka panluggani hu kulput e heni kalesah mu et daka kaittayab ni dibdib.

Psalms 68:33

e heni nantakkay di kulput di kabunyan ni lintu tu dedangngu niya heni kidul hu ehel tu.

Genesis 1:6

Kan mewan nan Apu Dios ey “Kaweda kan mengedwan danum et wadad ahpat edum ey wadad nandaul hu edum.” Ey humman neipahding. Ya etan wadad ahpat ey humman ida kulput ni kakelpuin udan, ey ya wadad nandaul ey humman danum eyad puyek.

2 Chronicles 2:5

Implanuh kun memehwat ni kayyagguud niya et-eteng ni Tempol tep ya Dios mi ey e-etteng ni peteg kabaelan tu nem yadda edum ni dios.

Psalms 69:35

Tep hi-gatulli mengihwang ni Jerusalem niya iyayyaggud tuddalli edum ni bebley di Judah et pambebleyan idallin tutu-u tu.